Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ પ્રતિદ્વાર ૯મું - 32 અનંતકાય નાંખી બનાવાયેલો શીરો કે કંસાર તે. ઉપલક્ષણથી કોરી કડાઈમાં બનાવેલ શીરો, કંસાર વગેરે પણ નીવિયાતા છે, પણ તેમાં ચૂલા પરથી ઉતાર્યા બાદ ઘી-તેલનો એક પણ છાંટો ઉમેરવો ન જોઈએ. (5) પરિપકવ પૂપિકા - પક્વાન્ન તળ્યા બાદ ઘી વગેરે કાઢી લીધા બાદ તવીમાં રહેલ ચીકાશમાં ઘી-તેલનું પોતું દઈને બનાવાતા પૂરી, પૂડલા, થેપલા વગેરે. ઉપલક્ષણથી કોરી તવીમાં પણ ચાલુ રીતિએ બનાવાતા પૂરી, પૂડલા, થેપલા, ઢેબરા વગેરે પણ નીવિયાતા છે, પણ તેમાં ચૂલા પરથી ઉતાર્યા બાદ નવું ઘી-તેલ ઉમેરવું નહીં. આમ છ વિગઈના 30 વિકૃતિગત થયા. જો કે નીવિયાતા દ્રવ્યો વિગઈરૂપ ન હોવાથી નીવિમાં કહ્યું છે, છતાં આ દ્રવ્યો ઉત્કૃષ્ટ હોવાથી વાપરનારના મનમાં વિકાર પેદા કરે છે અને નીલિમાં આ દ્રવ્યો વાપરવાથી ઉત્કૃષ્ટ નિર્જરા થતી નથી. તેથી આ દ્રવ્યો ન વાપરવા. વિવિધ તપોથી શરીર કૃશ થયું હોવાથી જે સ્વાધ્યાય, અધ્યયન વગેરે ન કરી શકે તે આ દ્રવ્યો વાપરે તો પણ દોષ નથી. તેને કર્મનિર્જરા પણ ઘણી થાય છે. દુર્ગતિથી ભય પામેલો જે વિગઈ અને નીવિયાતાને વાપરે તે દુર્ગતિમાં જાય, કેમકે વિગઈ ઇન્દ્રિયોને વિકાર ઉપજાવવાના સ્વભાવવાળી છે અને બળાત્કારે દુર્ગતિમાં લઈ જનારી છે. પ્રતિદ્વાર મું - 32 અનંતકાય અનંતકાય - ભૂમિની નીચે ઊગનારા બધા કંદો અનંતકાય છે, એટલે કે તેમાં અનંતાનંત જીવો હોય છે. તે સુકાઈ ગયા પછી અનંતકાય નથી. તેમના મુખ્ય 32 પ્રકાર છે. તે આ પ્રમાણે છે - (1) સૂરણ.
