Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 332 દ્વાર ૯૫મું - ગ્રામૈષણાના પાંચ દોષો આતંક વગેરે છે કારણો - (1) તાવ વગેરે રોગ આવે ત્યારે ન વાપરવું. (2) દેવો-મનુષ્યો-તિર્યંચોએ કરેલા ઉપસર્ગને સહન કરવા માટે ન વાપરવું. ઉપસર્ગો બે પ્રકારના છે - (1) અનુકૂળ ઉપસર્ગ - સ્વજનો વગેરે સ્નેહથી દીક્ષા છોડાવવા આવે છે. ત્યારે સાધુ ઉપવાસ કરે તો તેનો નિશ્ચય જાણીને કે તેના મરણ વગેરેના ભયથી સ્વજનો તેમને છોડી દે. (ii) પ્રતિકૂળ ઉપસર્ગ - રાજા વગેરે ગુસ્સે થઈને ઉપસર્ગ કરે છે. ત્યારે સાધુ ઉપવાસ કરે તો રાજા વગેરેને પણ દયા આવે અને છોડી દે. (3) બ્રહ્મચર્યની રક્ષા માટે ન વાપરવું. ઉપવાસ કરવાથી કામ દૂર થાય (4) જીવોની રક્ષા માટે ન વાપરવું. વરસાદ પડતો હોય, બરફ પડતો હોય, સચિત્ત ધૂળ ઊડતી હોય, ભૂમિ પર ઘણા દેડકા-મસી-કુંથવા વગેરે જીવોની ઉત્પત્તિ થઈ ગઈ હોય તો ભિક્ષા માટે ન જાય અને ન વાપરે. (5) તપ કરવા માટે ન વાપરવું. (6) શિષ્યોને તૈયાર કરવા વગેરે બધા કર્તવ્યો પૂરા થયા પછી છેલ્લી ઉંમરમાં સંલેખના કરીને જીવનપર્યતનું અનશન કરવા ભોજનનો ત્યાગ કરવો. + હે આત્મન્ ! તને તારો જ ભય છે. બીજા નિમિત્તોથી તું ભયભીત બને છે, એ તારી ભ્રમણા છે. તારો આત્મા ખોટા માર્ગમાં ચાલ્યો જાય એ જ મોટો ભય છે.
