Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 334 દ્વાર ૯૬મું - 7 પ્રકારની પિંડેષણા અને પ્રકારની પોષણા (4) અલ્પલેપિકા - નિર્લેપ એવા વાલ-ચણા-પવા વગેરે ગ્રહણ કરવા તે. અથવા જેમાં પશ્ચાત્કર્મ વગેરેથી થયેલો થોડો લેપ લાગે કે કર્મસંબંધી થોડો લેપ લાગે તેવું ગ્રહણ કરવું તે. (5) અવગૃહીતા - ભોજન વખતે જમનારાના થાળી-વાટકામાં પીરસેલ હોય તે ગ્રહણ કરવું તે. જો દાતાએ પહેલા જ હાથ કે વાસણ ધોયા હોય તો હાથ કે વાસણમાં લાગેલ પાણી અચિત્ત થયું હોય તો લેવું કલ્પ, નહીંતર ન કલ્પ. (6) પ્રગૃહીતા - ભોજન વખતે જમનારાને આપવા માટે પીરસનારાએ તપેલા વગેરેમાંથી ચમચાથી ઉપાડેલું હોય અને જમનારાએ લીધુ ન હોય તે ગ્રહણ કરવું તે. અથવા જમનારાએ હાથમાં લીધેલ આહાર હજી મુખમાં ન નાંખ્યો હોય તે ગ્રહણ કરવું તે. (7) ઉજિઝતધર્મા - જે ભોજન ખરાબ હોવાથી તજવા યોગ્ય હોય અને જેને બ્રાહ્મણ વગેરે ઇચ્છતા ન હોય તેવું કે અડધુ તજી દેવાયેલું ગ્રહણ કરવું તે. આ સાતે પિંડેષણાઓમાં અસંસૃષ્ટ હાથ વગેરેના 8 ભાંગા જાણવા. ચોથી પિંડેષણામાં 8 ભાંગા ન હોય. ગચ્છમાં રહેલા સાધુઓને સાતે પિૐ ખણાઓની અનુજ્ઞા છે. ગચ્છમાંથી નીકળેલા સાધુઓને પહેલી બે સિવાયની બાકીની પાંચ પિંડેષણાઓની અનુજ્ઞા છે. પાન = પાણી. તેને લેવાની રીત તે પાનૈષણા. તેના 7 પ્રકાર છે. તે ઉપર મુજબ જ જાણવા. ફરક આટલો છે - (4) અલ્પલંપિકા - કાંજી, ઉષ્ણ-પાણી, ચોખાનું ધોવણ વગેરે લેપ વિનાનું પાણી ગ્રહણ કરવું તે. તે વાસણને ચીકણું કરતું નથી. તેનાથી આત્માને કર્મનો લેપ લાગતો નથી. શેરડીનો રસ, દ્રાક્ષનું પાણી, આંબલીનું પાણી વગેરે ચીકણા પાણી છે. તેનાથી સાધુને કર્મનો લેપ લાગે છે.
