Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ उ४४ દ્વાર ૧૦૧મું - દશવિધ ચક્રવાલ સામાચારી દ્વાર ૧૦૧મું - દશવિધ ચક્રવાલ સામાચારી | (1) ઇચ્છાકાર સામાચારી - માંદગી વગેરેના કારણે બીજા પાસે કામ કરાવવું હોય તો તમારી ઇચ્છા હોય તો મારું આટલું કાર્ય કરી આપશો.” એમ કહેવું, અથવા કોઈએ પ્રાર્થના ન કરી હોવા છતાં કારણે કોઈ સાધુ બીજા સાધુનું કાર્ય કરવા ઇચ્છે ત્યારે તમારી ઇચ્છા હોય તો તમારું આટલું કાર્ય કરું.’ એમ કહેવું છે. કોઈ પાસે પરાણે કાર્ય ન કરાવવું, સામાની ઇચ્છા વિના તેનું કાર્ય ન કરવું. (2) મિચ્છાકાર સામાચારી - સમિતિ, ગુપ્તિ વગેરે સંયમયોગોનું વિપરીત આચરણ કરીને મિચ્છામિ દુક્કડું દેવું તે. સંયમયોગોનું વિપરીત આચરણ જાણી જોઈને કે વારંવાર થાય તો મિચ્છામિદુક્કડે આપવા માત્રથી શુદ્ધિ ન થાય. (3) તથાકાર સામાચારી - કલ્પ (આચાર કે જિનકલ્પ, સ્થવિરકલ્પ વગેરે) અને અકલ્પ (અનાચાર કે ચરક - બૌદ્ધ વગેરેની દીક્ષા)ને જાણનારા, પાંચ મહાવ્રતોમાં રહેલા, સંયમ અને તપથી યુક્ત એવા ગુરુ વાચના, સામાચારીનું શિક્ષણ વગેરે આપતા હોય ત્યારે, પૂક્યા પછી જવાબ આપે ત્યારે ખોટું હોવાની શંકા કર્યા વિના “જેમ આપ કહો છો તેમ જ છે.” એવા અર્થને સૂચવનાર ‘તથા' (તહત્તિ) એમ કહેવું તે. (4) આવશ્યક સામાચારી - જ્ઞાન-દર્શન-ચારિત્રના કારણરૂપ ગોચરી જવું વગેરે કારણે અવશ્ય જવાનું હોય ત્યારે વસતિની બહાર નીકળતા સાધુએ આવશ્યક કાર્યરૂપ કારણને સૂચવનાર “આવશ્યકી” (આવર્સીટી) એમ કહેવું. (5) નૈષેધિકી સામાચારી - બહારથી પાછા ફરીને વસતિમાં કે દેરાસરમાં પ્રવેશતા અસંવૃત એવા શરીરની ચેષ્ટાના નિવારણને સૂચવનાર નૈધિકી' (નિસીપી) એમ કહેવું.
