Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ દ્વાર ૧૧૯મું, ૧૨૦મું 371 દ્વાર ૧૧૯મું - 4 પ્રકારની દુઃખશપ્યા જેમાં સુવાય તે શવ્યા. દુઃખ આપનારી શય્યા તે દુઃખશપ્યા. તે બે પ્રકારે છે - (1) દ્રવ્ય દુ:ખશય્યા - ખરાબ ખાટલો વગેરે. (2) ભાવ દુઃખશય્યા - દુષ્ટ મનને લીધે થતું ખરાબ સાધુપણું. તે ચાર પ્રકારે છે - (i) જિનશાસનની અશ્રદ્ધા. (i) બીજાના વસ્ત્ર વગેરે પ્રાપ્ત કરવાની ઇચ્છા. (i) સારા શબ્દ, રૂપ વગેરેની અભિલાષા. (iv) શરીરનાં માલીશ, મર્દન (દબાવવું), સ્નાન વગેરેની ઇચ્છા. આ ચારમાં રહેલો સાધુ ક્યારેય પણ સાધુપણાનો આનંદ માણી શકતો નથી. દ્વાર ૧૨૦મું - 4 પ્રકારની સુખશય્યા સુખશય્યા - સારા મનને લીધે થતું સારું સાધુપણું. તે ધર્મના રાગથી રંગાયેલ સાધુને હોય. તે ચાર પ્રકારે છે - (i) જિનશાસનની શ્રદ્ધા. (i) બીજાના વસ્ત્ર વગેરે પ્રાપ્ત કરવાની ઇચ્છા ન કરવી. (ii) સારા શબ્દ, રૂપ વગેરેની અભિલાષા ન કરવી. (iv) શરીરના માલીશ, મર્દન, સ્નાન વગેરેની ઇચ્છા ન કરવી. આ ચારમાં રહેલો સાધુ પરમસંતોષરૂપી અમૃતમાં મગ્ન મનવાળો હોવાથી અને સતત તપ વગેરે ક્રિયાઓ કરતો હોવાથી સુખને જ અનુભવે છે.
