Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ દ્વાર ૧૨૧મું - 13 ક્રિયાસ્થાનો 373 અભિમાનથી બીજાની જાતિ વગેરેથી હીલના કરવી, ખરાબ વચનોથી નિંદા કરવી અને હેરાનગતિથી પરાભવ કરવો તે. (10) અમિત્રક્રિયા - સ્વજનોના અલ્પ અપરાધમાં તીવ્ર દંડ કરવો તે. તીવ્ર દંડ = ઉંબાડીયા વગેરેથી બાળવું, કપાળ વગેરે પર ચિહ્ન કરવું, દોરડાથી બાંધવા, ચાબુકથી મારવા, અન્ન-પાણી ન આપવા વગેરે. (11) માયાક્રિયા - પોતાના આકાર અને ઇંગિતને છુપાવવાના સામર્થ્યવાળો જે મનથી જુદું વિચારે, વચનથી જુદુ બોલે અને કાયાથી જુદુ આચરે (12) લોભક્રિયા - હિંસા વગેરે પાપોથી યુક્ત ધન-ધાન્ય વગેરેના મોટા પરિગ્રહમાં આસક્ત થવું, સ્ત્રીઓમાં અને સુંદર વિષયોમાં આસક્ત થવું, પોતાને નુકસાનોથી આદરપૂર્વક બચાવતા બીજા જીવોને મારી નાંખવા, બાંધવા કે મારવા તે. (13) ઈર્યાપથિકીક્રિયા - પાંચ સમિતિવાળા, ત્રણ ગુપ્તિવાળા, ૧૧મા ૧૨મા-૧૩માં ગુણઠાણાવાળા અપ્રમત્ત સાધુઓને જયાં સુધી આંખ ખોલ-બંધ કરવા જેટલો પણ યોગ હોય છે ત્યાં સુધી આ ક્રિયા હોય છે. તેનાથી એક સમયની સ્થિતિવાળા સાતવેદનીયનો બંધ થાય છે. + મૈત્રી, પ્રમોદ, કારુણ્ય અને માધ્યચ્ય ભાવનાઓથી ભાવિત થયેલું તારું | મન જ્યારે મોક્ષમાં એકતાન થશે ત્યારે તને પરમસુખની પ્રાપ્તિ થશે. + અન્યના જીવનમાં રહેલ દોષોને પકડી પાડવા બદલ કર્મસત્તાએ કોઈ પણ જીવને ઈનામ આપ્યું હોય એવું આજસુધીમાં ક્યારેય બન્યું નથી.
