Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ ધાર ૭૯મું - 5 પ્રકારના ચૈત્ય 273 (5) સાધર્મિકચય - વારત્તકમુનિના પુત્રે વારત્તકમુનિની પ્રતિમા બનાવી વારત્તક નગરમાં વારત્તક મંત્રી રહેતો હતો. એકવાર ધર્મઘોષમુનિ તેને ત્યાં વહોરવા આવ્યા. તેની પત્નીએ વહોરાવવા માટે વાસણ ઉપાડ્યું. ઘીનું એક ટીપું જમીન પર પડ્યું. મહાત્મા વહોર્યા વિના નીકળી ગયા. હાથી પર બેઠેલા મંત્રીએ જોઈને વિચાર્યું, “મહાત્મા કેમ નીકળી ગયા?’ એટલામાં ઘી પર માખી આવી. તેને ખાવા ગરોળી આવી. તેને ખાવા કાચિંડો આવ્યો. તેને ખાવા બિલાડી આવી. તેને ખાવા બહારનો કુતરો આવ્યો. તેને ભગાડવા ઘરનો કુતરો આવ્યો. બન્નેનું યુદ્ધ થયું. બન્નેના માલિકોનું યુદ્ધ થયું. આ જોઈ વારત્તકમંત્રીએ વિચાર્યું, ‘ઘીનું એક ટીપું પડ્યું એમાં આટલી વિરાધના થઈ. માટે ભગવાને આવો ધર્મ બતાવ્યો. મારે પણ તે જ ભગવાન માનવા યોગ્ય છે અને તેમનો ધર્મ જ કરવા યોગ્ય છે.' આમ વિચારી શુભધ્યાનથી તેમને જાતિસ્મરણ જ્ઞાન થયું. દેવતાએ સાધુવેષ આપ્યો. લાંબા કાળ સુધી ચારિત્ર પાળી તેઓ કેવળજ્ઞાન પામ્યા. કાળક્રમે તે સિદ્ધ થયા. તેમના પુત્રે મંદિર બંધાવી તેમાં મુહપત્તિ-રજોહરણવાળી પિતામુનિની મૂર્તિ સ્થાપી અને દાનશાળા ખોલી. ચારે બાજું કાદવની વચ્ચે પણ કાદવને સ્પર્યા વિના કમળ કેવું અલિપ્ત શોભે છે? જીવ ! સંસારમાં ચારે બાજુ રાગ-દ્વેષ, મદ-મત્સર વગેરેના કાદવ છે. તું કમળની માફક એને સ્પર્યા વિના અલિપ્ત રહેજે. તો જ તારો આ ભવ સફળ થશે. નહીંતર ભવ-ભ્રમણ ઊભુ જ રહેશે.
