Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 290 દ્વાર ૮૯મું - ક્ષપકશ્રેણિ (3) પછી મિથ્યાત્વમોહનીયના દલિકો સમ્યકત્વમોહનીય અને મિશ્ર મોહનીયમાં નાખે. તે આ પ્રમાણે - પહેલા સમયે થોડું સંક્રમાવે. તેના કરતા બીજા સમયે અસંખ્યગુણ સંક્રમાવે. તેના કરતા ત્રીજા સમયે અસંખ્યગુણ સંક્રમાવે. એમ અંતર્મુહૂર્તના ચરમસમયે 1 આવલિકા પ્રમાણ દલિતોને છોડીને બાકીનું દ્વિચરમસમય કરતા અસંખ્યગુણ દલિક સંક્રમાવે. (4) 1 આવલિકાનું દલિક સિબુકસંક્રમથી સમ્યકત્વમોહનીયમાં સંક્રમાવે. આમ મિથ્યાત્વમોહનીયનો ક્ષય થાય. (5) ત્યાર પછી એ જ રીતે અંતર્મુહૂર્તમાં મિશ્રમોહનીયને સમ્યક્ત્વ મોહનીયમાં સંક્રમાવીને ખપાવે. (6) ત્યાર પછી સમ્યક્ત્વમોહનીયની અપવર્તન કરે. અંતર્મુહૂર્તમાં તેની સ્થિતિ અંતર્મુહૂર્તપ્રમાણ થાય. (7) તેને ભોગવતા ભોગવતા સમયાધિક આવલિકા પ્રમાણ સ્થિતિ શેષ રહે. (8) ત્યારપછીના સમયે તેનો ઉદીરણાવિચ્છેદ થાય. બાકીની સ્થિતિને ઉદય વડે ભોગવે. (9) ત્યારપછી તે ક્ષાયિક સમ્યગ્દષ્ટિ થાય. (iv) જો પૂર્વે આયુષ્ય બાંધેલ જીવ ક્ષપકશ્રેણિ માંડે અને અનંતાનુબંધી વિસંયોજના પછી મૃત્યુ થવાથી અટકે તો મિથ્યાત્વમોહનીયના ઉદયે ફરી અનંતાનુબંધી બાંધે. મિથ્યાત્વમોહનીયનો ક્ષય થયો હોય તો અનંતાનુબંધી ન બાંધે. (V) પૂર્વે આયુષ્ય બાંધલ જીવ દર્શન 7 ના ક્ષય પછી પરિણામ ન પડ્યા હોય તો અવશ્ય દેવલોકમાં ઉત્પન્ન થાય, જો પરિણામ પડ્યા હોય તો પરિણામ પ્રમાણે બધી ગતિમાં જાય. જો દેવગતિમાં કે નરકગતિમાં જાય તો ત્રીજા ભવે મોક્ષે જાય. જો મનુષ્યગતિમાં કે તિર્યંચગતિમાં
