Padarth Prakash 23 Pravachan Saroddhar Part 01

Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust

Page 300

દ્વાર ૮૫મું- પાંચ પ્રકારના અવગ્રહ 281 (5) સાધર્મિકનો અવગ્રહ - ચોમાસુ કરેલ આચાર્ય વગેરેનો અવગ્રહ. જ્યાં ચોમાસુ કર્યું હોય ત્યાંથી 5 ગાઉ સુધીનો તેમનો અવગ્રહ છે. તે ચોમાસામાં અને ચોમાસા પછી 2 માસ સુધી હોય છે. તે કાળમાં તે ક્ષેત્રમાં રહેનારા સાધુઓએ તે આચાર્ય વગેરેની અનુજ્ઞા લેવી. આ પાંચની અનુજ્ઞા લઈને તેમના અવગ્રહમાં રહેવું સાધુઓને કહ્યું છે. તેમની અનુજ્ઞા લીધા વિના તેમના અવગ્રહમાં રહેવું સાધુઓને ન કલ્પ. આમાં પછી પછીનો અવગ્રહ પૂર્વ પૂર્વના અવગ્રહને બાધિત કરે છે. એટલે કે રાજાના અવગ્રહમાં રાજાની જ મુખ્યતા છે, દેવેન્દ્રની નહીં. તેથી ત્યાં રાજાની જ અનુજ્ઞા લેવી, દેવેન્દ્રની નહીં. એમ ગૃહપતિના અવગ્રહમાં તેની જ અનુજ્ઞા લેવી, દેવેન્દ્રની અને રાજાની નહીં. સાગારિકના અવગ્રહમાં તેની જ અનુજ્ઞા લેવી, દેવેન્દ્રની, રાજાની અને ગૃહપતિની નહીં. સાધર્મિકના અવગ્રહમાં તેની જ અનુજ્ઞા લેવી, દેવેન્દ્રની, રાજાની, ગૃહપતિની અને સાગારિકની નહીં. + જે સાધુના કષાયો ઉત્કટ હોય છે તેનું ચારિત્ર શેરડીના પુષ્પની જેમ નિષ્ફળ થાય છે. દેશોનપૂર્વકોડવર્ષ સુધી પાળેલા ચારિત્રાને પણ કષાયવાળો જીવ મુહૂર્તમાત્રમાં હારી જાય છે.