Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 12 પ્રકારની સાધુની પ્રતિમા 231 રીતે પાકે તેમ આ નિર્જરા આશય વિના સહજ થાય છે. - આમ નિર્જરાનું સ્વરૂપ ચિતવવું અને નિર્જરાના બાર ભેદોને ચિંતવવા તે નિર્જરાભાવના. (10) લોકસ્વભાવભાવના - ચૌદ રાજલોકના સ્વરૂપને વિચારવું તે લોકસ્વભાવભાવના. (11) બોધિદુર્લભભાવના - સંસારમાં ભમતો જીવ કર્મો ઓછા થવાથી આર્યક્ષેત્ર, સારી જાતિ, સારુ કુળ, નીરોગી શરીર, સંપત્તિ, રાજય વગેરે પામે છે, પણ સાચા-ખોટાનો ભેદ કરાવનાર સમ્યકત્વ જલ્દીથી પામતો નથી. સમ્યકત્વ પામનારનો અવશ્ય મોક્ષ થાય છે. જે જીવો સિદ્ધ થયા છે, થાય છે અને થશે તે બધા સમ્યકત્વના પ્રભાવથી. - આમ સમ્યક્ત્વની દુર્લભતા અને તેનું માહાભ્ય વિચારવું તે બોધિદુર્લભભાવના. (12) “ધર્મકથક અરિહંત છે” એવી ભાવના - અરિહંત ભગવંતોએ કેવળજ્ઞાન વડે જાણીને ધર્મનું સાચું સ્વરૂપ બતાવ્યું છે. આવો ધર્મ બીજા કોઈ બતાવી ન શકે. સામ્રાજ્ય મળે છે, વૈભવ મળે છે, ગુણો મળે છે, સૌભાગ્ય મળે છે, સમુદ્ર પૃથ્વીને ડુબાડતો નથી, વાદળો સંપૂર્ણ પૃથ્વીને વરસાદથી પોષે છે, સૂર્ય-ચન્દ્ર ઊગે છે - આ બધો ધર્મનો પ્રભાવ છે. આવા ધર્મમાં દઢ બનવું. - આમ ભાવવું તે. 12 પ્રકારની સાધુની પ્રતિમા - પ્રતિમા = વિશેષ પ્રકારની પ્રતિજ્ઞા. પ્રતિમા સ્વીકારનારની યોગ્યતા - (1) સંઘયણથી યુક્ત હોય - મજબુત શારીરિક શક્તિવાળો હોય. તે પરીષહોને સહન કરી શકે છે. (2) ધૃતિથી યુક્ત હોય - માનસિક સ્વસ્થતાવાળો હોય. તે રતિ અરતિથી પીડાતો નથી.
