Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 245 દ્વાર ૬૮મું - જંઘાચારણ અને વિદ્યાચારણની ગમનશક્તિ (8) અગ્નિશિખાચારણ - તેઓ અગ્નિની શિખાનું આલંબન લઈને તેઉકાયના જીવોની વિરાધના કર્યા વિના અને પોતે બળ્યા વિના ચાલી શકે છે. | (9) ધૂમચારણ - તેઓ તીરછી કે ઊંચે જતી ધૂમાડાની શ્રેણિનું આલંબન કરીને અખ્ખલિત રીતે ગમન કરી શકે છે. (10) મર્કટકતંતુચારણ - તેઓ વાંકાચૂકા વૃક્ષ પર લાગેલા કરોડીયાના જાળાના તાંતણાનું આલંબન લઈને તે તાંતણાને છેદ્યા વિના તે વૃક્ષની વચ્ચેના આકાશપ્રદેશો પર ચાલી શકે છે. (11) જ્યોતિષરશ્મિચારણ - તેઓ ચંદ્ર, સૂર્ય, ગ્રહ, નક્ષત્ર, તારા વગેરેમાંથી કોઈ એકના કિરણોનું આલંબન લઈને પૃથ્વી પર ચાલે તેમ ચાલી શકે છે. (12) વાયુચારણ - તેઓ જુદી જુદી દિશામાં વાતા અનુકૂળ - પ્રતિકૂળ વાયુના પ્રદેશોની શ્રેણિનું આલંબન લઈને તે વાયુ ઉપર અખ્ખલિત રીતે ચાલી શકે છે. (13) નીહારચારણ - તેઓ ઝાકળનું આલંબન લઈને અપકાયના જીવોની વિરાધના કર્યા વિના ચાલી શકે છે. (14) જલદચારણ - તેઓ વાદળોનું આલંબન લઈને અપકાયના જીવોની વિરાધના કર્યા વિના ચાલી શકે છે. (15) અવશ્યાયચારણ - તેઓ ધૂમ્મસનું આલંબન લઈને અપકાયના જીવોની વિરાધના કર્યા વિના ચાલી શકે છે. (16) ફલ ચારણ - તેઓ ફળોનું આલંબન લઈને તેમાં રહેલા જીવોની વિરાધના કર્યા વિના ચાલી શકે છે. આવા બીજા પણ અનેક પ્રકારના ચારણો જાણવા.
