Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 1 25 દ્વાર ૧૦મું- તીર્થકર નામકર્મના બંધમાં કારણભૂત વીશ સ્થાનકો પ્રવૃત્તિ કરવી. (18) અપૂર્વજ્ઞાનગ્રહણ - સતત નવું નવું જ્ઞાન મેળવવું. (19) શ્રુતભક્તિ - શ્રતનું બહુમાન. (20) પ્રવચનપ્રભાવના - શક્તિ મુજબ દ્વાદશાંગીના અર્થનો ઉપદેશ આપવો. આ 20 કારણોથી જીવ તીર્થકર નામકર્મ બાંધી તીર્થંકર બને છે. અથવા, ૧૨મા અને ૧૩મા સ્થાનોની બદલે ૧૨મુ શીલવ્રત નામનું એક જ સ્થાન સમજવું તથા ૧૬મું વૈયાવચ્ચસ્થાન અને ૧૭મુ સમાધિ સ્થાન જુદું-જુદું સમજવું. સમાધિ = આચાર્ય વગેરે દસના કાર્ય કરીને તેમને સ્વસ્થ કરવા. * ઋષભદેવ ભગવાને અને મહાવીરસ્વામી ભગવાને આગલા ત્રીજા ભવમાં આ વીશે સ્થાનકોની આરાધના કરી હતી. બાકીના 22 તીર્થકરોમાંથી કેટલાકે એક સ્થાનની, કેટલાકે બે સ્થાનોની, કેટલાકે ત્રણ સ્થાનોની યાવતુ કેટલાકે બધા સ્થાનોની આરાધના કરી હતી. * તીર્થંકર થવાના આગલા ત્રીજા ભવમાં મનુષ્યગતિમાં રહેલ પુરુષ, સ્ત્રી કે નપુંસક તીર્થકર નામકર્મનો નિકાચિત બંધ કરવાનું શરૂ કરે છે. તે બંધ ત્યારથી માંડીને તીર્થકરના ભવમાં અપૂર્વકરણ ગુણઠાણાના સંખ્યાતા ભાગો પસાર થાય ત્યાં સુધી બંધાય છે. ત્યારપછી તેનો બંધવિચ્છેદ થાય છે. * તેરમાં ગુણઠાણે કેવળજ્ઞાન થવા પર તીર્થકર નામકર્મનો ઉદય થાય છે. ત્યારે દેવેન્દ્રો 8 પ્રાતિહાર્યો કરે છે. દેવો, અસુરો અને મનુષ્યોની પર્ષદામાં થાક્યા વિના શ્રુત-ચારિત્ર ધર્મની દેશના આપવા વડે, 34 અતિશયો વડે અને વાણીના 35 અતિશયો વડે તીર્થકર નામકર્મ ભોગવાય છે.
