Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ તપના 12 અતિચાર (5) દુઃખાર્તગવેષણ - દુઃખથી પીડાયેલાને ઔષધ વગેરે આપીને તેની ઉપર ઉપકાર કરવો. (6) દેશકાલજ્ઞાન - અવસરને જાણવાપણું. (7) અનુમતિ - ગુરુને બધી બાબતોમાં અનુકૂળ બનવું. અથવા વિનયના પર પ્રકાર છે. તે 65 મા દ્વારમાં કહેવાશે. (3) વૈયાવચ્ચ - ધર્મની સાધના કરવા માટે વિધિપૂર્વક અન્ન વગેરે આપવા. (4) સ્વાધ્યાય - કાળવેળાના ત્યાગરૂપ મર્યાદા વડે કે પોરિટીની મર્યાદા વડે અધ્યયન કરવું તે સ્વાધ્યાય. તેના 5 પ્રકાર છે - (1) વાચના - શિષ્યને ભણાવવું. (2) પૃચ્છના - પૂર્વે ભણેલા સૂત્ર વગેરેમાં શંકા પડે તો પૂછવું. (3) પરાવર્તના - સૂત્ર ભૂલાઈ ન જાય એટલા માટે ઘોષ વગેરેથી વિશુદ્ધ રીતે સૂત્રને ગણવું (પાઠ કરવો). (4) અનુપ્રેક્ષા - સૂત્રના અર્થનું મનથી ચિંતન કરવું. (5) ધર્મકથા - ભણેલા શ્રતનું બીજાને વ્યાખ્યાન કરવું. (5) ધ્યાન - અંતર્મુહૂર્ત માટે ચિત્તની એકાગ્રતા તે ધ્યાન. તે 4 પ્રકારે છે - (1) આર્તધ્યાન - તે દુઃખના કારણે થાય છે. તે જ પ્રકારે છે - (1) અનિષ્ટસંયોગચિંતન - અશુભ શબ્દ વગેરે વિષયો અને તેના આશ્રયરૂપ કાગડા વગેરેના વિયોગનું ચિંતન કરવું કે ભવિષ્યમાં સંયોગ ન થાય તેનું ચિંતન કરવું. (2) વેદનાચિંતન - વેદનાના વિયોગની પ્રાર્થના કરવી અને ભવિષ્યમાં સંયોગ ન થાય તેવી પ્રાર્થના કરવી.
