Mohonmulanvadsthanakam

Author(s): Jaysundarvijay, Mahabodhivjay
Publisher: Jinshasan Aradhana Trust

Page 48

वादस्थानकम् .
११
"तए णं तेसिं वणियाणं तीसे अकामियाए अणोहियाए छिन्नावायाए दीहमद्धाए अडवीए कंचि देसं अणुप्पत्ताणं समाणाणं से पुव्वगहिए उदए अणुपुव्वेणं परिभुज्जमाणे परिभुज्जमाणे झीणे । ___ "तए णं ते वणिया झीणोदगा समाणा तण्हाए परिब्भवमाणा अन्नमन्त्रं सदावेंति, अन्न० स० २ एवं वयासि - ‘एवं खलु देवाणुप्पिया ! अम्हं इमीसे अकामियाए जाव अडवीए कंचि देसं अणुप्पत्ताणं समाणाणं से पुवगहिते उदए अणुपुब्वेणं परिभुज्जमाणे परिभुज्जमाणे झीणे, तं सेयं खलु देवाणुप्पिया ! अम्हं इमीसे अकामियाए जाव अडवीए उदगस्स सब्बतो समंता मग्गणगवेसणं करेत्तए'त्ति कटु अन्नमन्नस्स अंतियं एयमहूँ पडिसुणेति, अन्न० पडि० २ तीसे णं अगामियाए जाव अडवीए उदगस्स सव्वओ समंता मग्गणगवेसणं करेंति । उदगस्स सव्वतो समंता मग्गणगवेसणं करेमाणा एगं महं वणसंडं आसादेति किण्हं किण्होभासं जाव निकुरुंबभूयं पासादीयं जाव पडिरूवं । तस्स णं वम्मीयस्स चत्तारि वप्पूओ अब्भुग्गयाओ अभिनिसढाओ, तिरियं सुसंपग्गहिताओ, अहे पन्नगद्धरूवाओ पन्नगद्धसंठाणसंठियाओ पासादीयाओ जाव पडिरूवाओ । ___"तए णं ते वणिया हट्टतुट्ठ० अन्नमन्नं सद्दावेंति, अन्न० स० २ एवं वयासी - ‘एवं खलु देवाणुप्पिया ! अम्हे इमीसे अकामियाए जाव सव्वतो समंता मग्गणगवेसणं
करेमाणेहिं इमे वणसंडे आसादिते किण्हे किण्होभासे०, इमस्स णं वणसंडस्स बहुमज्झदेसभाए - इमे वम्मीए आसादिए, इमस्स णं वम्मीयस्स चत्तारि वप्पूओ अब्भुग्गयाओ जाव पंडिरूवाओ, तं सेयं खलु देवाणुप्पिया ! अम्हं इम्मस वम्मीयस्स पढमं वपु भिंदित्तए
अवि या इंथ ओरालं उदगरयणं अस्सादेस्सामो' । .... "तए णं ते वणिया अन्नमन्नस्स अंतियं एतमढें पडिस्सुणेति, अन्न० प० २
तस्स वम्मीयस्स पढमं वपुं भिंदंति, ते णं तत्थ अच्छं पत्थं जच्चं तणुयं फालियवण्णाभं · ओरालं उदगरयणं आसादेंति ।
__"तए णं ते वणिया हट्टतुट्ठ०पाणियं पिबंति, पा०पि० २ वाहणाई पज्जेंति, वा० प० २ भायणाई भरेंति, भा० भ० २ दोच्चं पि अन्नमनं एवं वदासी - एवं खलु देवाणुप्पिया ! अम्हेहिं इमस्स वम्मीयस्स पढमाए वपूए भिन्नाए ओराले उदगरयणे अस्सादिए, दोच्चाए वपूए भिन्नाए ओराले सुवण्णरयणे अस्सादिए तं सेयं खलु