Lilavati Sara

Author(s): Jinratnasuri, H C Bhayani, N M Kansara
Publisher: L D Indology Ahmedabad

Page 461

एकविंशतितम उत्साहः
श्रीसिंहसूरिनृपतिः परतीथिकाज्ञामुत्थापयन् प्रतिपदं द्रढयन् जिनाज्ञाम् । ग्रामाकरादिषु विहृत्यतरां परेयुः श्रीराजिराजगृहकाननमाजगाम ॥१ सद्यः प्रियंवद इति प्रथिताभिघान उद्यानपालकवरश्च तदागमेन । श्रीपद्मकेसरनृपं सहपुत्रपौत्रगोत्रं स्म वर्धयति तस्य परिच्छदं च ॥२ राजा प्रमोदभरनिर्भरहन्निशान्तः स्वणींशुकादिनिकरप्रतिपादनेन । उद्यानपालकग, सहपुत्रपौत्रगोत्रं स्म वर्धयति तस्य परिच्छदं च ॥३ सामन्तमन्त्रिवरपौरजनानुयातः सान्तः पुरश्ध चतुरङ्गचमूवृतश्च । श्रीसिंहसूरिगुरुराजनमस्यनाय श्रीपद्मकेसरधराधिपतिश्चचाल ॥४ हे शेषकूर्मपतिदिगद्विरदा इदानीं सर्वोजसा क्षितितलं सकलं प्रधत्त । श्रीपद्मकेसरनृशेखर एष सर्वऋद्धया प्रयाति गुरुराजसभाजनाय ॥५
गत्वोद्यानमसौ विहाय नृपतेश्चिह्नानि सूरीक्षणे ।
__ मूर्धन्यस्तसुहस्तकुड़मलमिषात् संगीर्णतच्छासनः । तत् तावत् परिवारयुक् क्षितिपतिज्योतिष्पतिः श्रीगुरुं
मेरुक्षोणिधरं प्रदक्षिणयति स्मानन्दरोमाञ्चितः ॥६ पञ्चाङ्गसंस्पृष्टमहीतलश्च तत्पादपद्मं सं नमश्चकार ।। तत्र स्थिरस्थायुकपुण्यलक्ष्म्या भालस्थले संक्रमणाय मन्ये ॥७ यथास्थानासीने नृपतितिलके तत्र भगवान्
सुधाधाराधाराधर इव सुगम्भीरनिनदः । क्षणाद् बाह्याबाह्यप्रबलतरसन्तापशमनी
सुधर्मव्याख्यानामृतरसमहावृष्टिमतनोम् ॥८ तथा हिकुले जन्म क्षीरार्णवनवनवोल्लोलविमले
सुलक्ष्मीरक्षीणा स्वपरजनतानन्दवसति । सुपात्रे श्रीदानं प्रशमपरिपाकः परिणतौ
परीपाकान् पुण्यश्रिय उदयते श्रीभरतवत् ॥९