Anusandhan 2003 06 SrNo 24

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 7

अनुसंधान-२४ तिअसिंदकयविवाहो देवी सुमंगला सुनंदाए । नवकंकणो सि सामिअ ते धन्ना जेहिं दिछोसि ॥२॥ रायाभिसेयकाले विणीयनगरीइ तिअसलोगंमि । न्हविओ मिहुणनरेहिं ते धन्ना जेहिं दिछोसि ॥३॥ दाणं दाऊण पुणो, रज्जं चइऊण जगग्गुरू पढमो । निक्खमणमहिमकाले ते धन्ना जेहिं दिछोसि ॥४॥ सिबिअविमाणारूढो जइआ तं नाह दिक्खसमयंमि । पत्तो सिद्धत्थवणं ते धन्ना जेहिं दिछोसि ॥५|| काऊण य चउमुठ्ठि लोयं भयवं पि सक्कवयणेणं । वाससहस्सं विहरइ ते धन्ना जेहिं दिछोसि ॥६॥ रंजंतो वणराई कंचणवन्नेण नाह देहेण । धन्नाई मयकुलाइं ते धन्ना जेहिं दिछोसि ॥७॥ नमिविनमी रायाणो, तह पयपउमंमि नाहमल्लीणा । पत्ता वंछियरिद्धि ते धन्ना जेहिं दिछोसि ॥८॥ गयपुर सेयंसराइणो पढमदिन्नपारणए । इक्खुरसं विहरंतो ते धन्ना जेहिं दिछोसि ॥९॥ अध्धतेरसकोडीओ मुक्का सुरवरेहिं तुम्हे(टे)हिं । उक्कोसा वसुहारा ते धन्ना जेहिं दिछोसि ॥१०॥ छठ्ठठुमदसमदुवालसेहिं मासद्धमासखमणेहिं । उग्गं तवं तवंतो ते धन्ना जेहिं दिछोसि ॥११॥ लंबंतबाहुज्जु(जु)यलो निच्चलकाओ पसन्नचित्तमणो । धम्मज्झाणंमि ठिओ ते धन्ना जेहिं दिठ्ठोसि ॥१२॥ तह पुरिमतालनयरे नग्गोहदुमस्स संठिओ हिठ्ठा । केवलमहिमा गहिओ ते धन्ना जेहिं दिछोसि ॥१३॥