Agam 03 Ang 03 Sthananga Sutra Part 03

Author(s): Abhaydevsuri, Jambuvijay
Publisher: Mahavir Jain Vidyalay

Page 511

१७०
तृतीयं परिशिष्टम्- टिप्पनानि २ वेइं वड्डइ, उवलेवणसंमज्जणं करेइ । कट्ठमुद्दाए मुहं बंधइ । तुसिणीए संचिट्ठइ । तए णं तस्स किढिणसंकाइयं कट्ठमुद्दाए मुहं बंधइ, उत्तराए दिसाए उत्तराभिमुहे संपत्थिते ।
[७] तए णं सोमिले पंचमदिवसम्मि पुव्वावरण्हकालसमयंसि, जेणेव उंबरपायवे । उंबरपायवस्स अहे किढिणसंकाइयं ठवेइ, २ वेई वड्डेइ । कट्ठमुद्दाए मुहं बंधइ, जाव तुसिणीए संचिट्ठइ । तए णं तस्स सोमिलमाहणस्स पुव्वरत्तावरत्तकाले एगे देवे जाव एवं वयासि । हं भो सोमिला पव्वइया दुप्पव्वइयं ते । पढम भणइ । तहेव तुसिणीए संचिट्ठइ। देवो दोच्चं पि तच्चं पि वयइ । सोमिला पव्वइया, दुप्पव्वइयं ते । तए णं से सोमिले तेणं देवेणं दोच्चं पि तच्चं पि एवं वुत्ते वयासी। कहं णं देवाणुप्पिया मम दुप्पव्वइयं । तए णं से देवे सोमिलं माहणं एवं वयासी । एवं खलु देवाणुप्पिया, तुमे पासस्स अरहओ पुरिसादाणीयस्स अंतियं पंचाणुव्वतिते, सत्तसिक्खावतिए दुवालसविहे सावगधम्मे पडिवन्ने। तए णं तव अन्नया कयाइ पुव्वरत्तावरत्तकालसमयंसि कुडुंब-जागरियं जाव पुव्वचिंतियं देवो उच्चारेइ, जाव जेणेव असोगवरपायवे तेणेव उवागच्छइ, २ कढिणसंकाइयं जाव तुसिणीए चिट्ठसि । तए णं पुव्वरत्तावरत्तकाले, तव अंतियं पाउब्भवामि । हं भो सोमिला पव्वइया, दुप्पव्वइयं ते तह चेव देवो नियवयणं भणइ, जाव पंचमदिवसम्मि पुव्वावरण्हकालसमयंसि, जेणेव उंबरवरपायवे तेणेव उवागए, किढिणसंकाइयं ठवेसि उवलेवणं संमजणं करेसि, २ कट्ठमुद्दाए मुहं बंधसि, २ तुसिणीए संचिट्ठसि । तं एवं खलु देवाणुप्पिया तव दुप्पव्वइयं । तए णं से सोमिले तं देवं वयासी -कहं णं देवाणुप्पिया मम सुप्पव्वइयं । तए णं से देवे सोमिलं एवं वयासी। - जइ णं तुम देवाणुप्पिया इयाणिं पुव्वपडिवन्नाइं पंच अणुव्वयाइं सयमेव उवसंपज्जित्ताणं विहरसि। तो णं तुज्झ इयाणिं सुप्पव्वइयं भविज्जा । तए णं से देवे सोमिलं वंदइ नमसइ, जामेव दिसिं पाउब्भूए जाव पडिगए ।
[८] तए णं सोमिले माहणरिसी तेणं देवेणं एवं वुत्ते समाणे पुव्वपडिवन्नाइं पंच अणुव्वयाई सयमेव उवसंपज्जित्ताणं विहरइ । तए णं से सोमिले बहूहिं चउत्थ-छट्ठ-ऽट्ठम-जाव मासऽद्धमासखमणेहिं विचित्तेहिं तवोवहाणेहिं अप्पाणं भावेमाणे बहूहिं वासाई समणोवासगपरियागं पाउणइ, २ अद्धमासियाए संलेहणाए अत्ताणं झूसेइ, २ तीसं भत्ताई अणसणाए छेएइ, २ तस्स ठाणस्स अणालोइयपडिक्कते विराहियसम्मत्ते कालमासे कालं किच्चा । सुक्कवडिसए विमाणे उववायसभाए देवसयणिज्जंसि जाव ओगाहणाए सुक्क-महग्गहत्ताए उववन्ने । तए णं से सुक्के महग्गहे अहुणोववन्ने, समाणे जाव भासा-मणपजत्तीए । एवं खलु गोयमा, सुक्केणं महग्गहेणं सा दिव्वा जाव अभिसमन्नागए।" - निरयावलिकाश्रुतस्कन्धे ।।
सोमलिब्राह्मणवक्तव्यता भगवतीसूत्रेऽपि । तुलनार्थं तत्पाठोऽत्रोपन्यस्यते- “१४. तेणं कालेणं तेणं समएणं वाणियग्गामे नाम नगरे होत्था । वण्णओ। दूतिपलासए चेतिए। वण्णओ ।
१५. तत्थ णं वाणियग्गामे नगरे सोमिले नामं माहणे परिवसति अड्डे जाव अपरिभूए रिव्वेद