Visheshavashyaka Bhasya Part 1

Author(s): Hemchandracharya, Vajrasenvijay
Publisher: Bhadrankar Prakashan

Page 629

५८८]
મરીચિનું પરિવ્રાજકપણું. [ વિશેષાવશ્યક ભાષ્ય ભાગ. ૧ अह अण्णया कयाई, गिम्हे उण्हेण परिगयसरीरो । अण्हाणएण चइओ, इमं कुलिंगं विचिंतेइ ॥३५०।। मेरुगिरीसमभारे, न हुमि समत्थो मुहुत्तमवि वोहुँ । सामण्णए गुणे गुणरहिओ संसारमणुकंखी ॥३५१।। एवमणुचिंतंतस्स, तस्स निअगा मई समुप्पण्णा । लद्धो मए उवाओ, जाया मे सासया बुद्धी ॥३५२।। समणा तिडंडविरया, भगवंतो निहुअसंकुइअअंगा। अजिइंदिअदंडस्स उ, होउ तिदंडं महं चिधं ॥३५३।। लोइदिअमुंडा संजया, उ अहयं खुरेण ससिहो अ । थूलगपाणिवहाओ, वेरमणं मे सया होउ ॥३५४॥ निक्किचणा य समणा, अकिंचणा मज्झ किंचणं होउ । सीलसुगंधा समणा, अहयं सीलेण दुग्गंधो ॥३५५॥ ववगयमोहा समणा, मोहच्छण्णस्स छत्तयं होउ । अणुवाहणा य समणा, मज्झं तु उवाहणा होउ ॥३५६॥ सुक्कंबरा य समणा, निरंबरा मज्झ धाउरत्ताइं । हुंतु इमे वत्थाई, अरिहोमि कसायकलुसमई ॥३५७॥ वज्जंतऽवज्जभीरू, बहुजीवसमाउलं जलारंभं । होउ मम परिमिएणं, जलेण पहाणं च पिअणं च ॥३५८।। एवं सो रुइअमई, निअगमइविगप्पिअं इमं लिंगं । तद्धितहेउसुजुत्तं पारिवज्ज पवत्तेइ ॥३५९।। अह तं पागडरूवं, दटुं पुच्छेड़ बहुजणो धम्मं । कहइ जईणं तो सो, विआलणे तस्स परिकहणा ॥३६०।। धम्मकहाअक्खित्ते, उवट्ठिए देइ भगवओ सीसे । गामनगराइआइं, विहरइ सो सामिणा सद्धिं ॥३६१॥ समुसरण भत्त उग्गह, अंगुलि झय सक्क सावया अहिआ । जेआ वड्डइ कागिणि, लंछण अणुसज्जणा अट्ठ ॥३६२।। राया आइच्चजसो, महाजसे अइबले अबलभद्दे । बलविरिएकत्तावरिए, जलविरिए दंडविरिए अ ।।३६३।।