Upadhimat Tarjana Yane Prarupana Vichar

Author(s): Narendrasagarsuri
Publisher: Shasankantakoddharaksuri Jain Gyanmandir

Page 7

૬ ]
[પ્રરૂપણાવિચારગ્રન્થ પ્રસ્તાવના
V
૨. વિજયદાનસૂરિજી મ. ની પાટે આવેલા ૫૮મા પટ્ટધર પૂ. આ શ્રી વિજય હીરસૂરિજી મહારાજે પણ દેવીવચન અને તે અંગે પૂ. મહો. શ્રી ધર્મસાગરજી ગણિનું પ્રોત્સાહન મળતાં પર્યાય અને જ્ઞાને કરીને વૃદ્ધ એવા પ્રકાંડ મહોપાધ્યાયો સમુદાયમાં હોવા છતાં તે બધાયને છોડીને બાલસાધુ એવા ‘જયવિમલ' ને આચાર્યપદ આપીને અને ‘વિજયસેનસૂરિ’ નામ સ્થાપીને પોતાની પાટે સ્થાપ્યા.
પ્રતિપક્ષી ઉપાધ્યાયોની પ્રચારનીતિ
પૂ. ગચ્છાધિપતિ આ. શ્રી વિજયદાનસૂરિજી મ., પૂ. આ. શ્રી વિજયહીરસૂરિજી મ. તથા પૂ. આ. શ્રી વિજયસેન સૂરિજી મ. આદિ પૂજ્યોના દિલમાં પૂ. મહો. શ્રી ધર્મસાગરજી ગણિનું આવા પ્રકારનું સ્થાન અને માન જોઈને અતિશય ક્રોધે ભરાયેલા એવા પૂ. મહો. શ્રી સોમવિ. મહારાજ અને તેમના પક્ષકાર પૂ. મહો. શ્રી રાવિમલ ગણિ, પૂ.. મહો. શ્રી માનવિજય, પૂ. મહો શ્રી કલ્યાણ વિ., પૂ. મહો શ્રી ભાનુચંદ્રજી, પૂ. મહો. શ્રી સિદ્ધિચંદ્રજી, પં. શ્રી નંદિ વિ ગણિ આદિએ પૂ. મહો. શ્રી ધર્મસાગરજી ગણિનું માન-મહત્વ-પ્રતિભા-સ્થાન અને વર્ચસ્વને ધક્કો પહોંચાડવા તેમ જ તેમને બદનામ કરવા માટે તેઓશ્રીના બનાવેલા ‘પ્રવચન પરીક્ષા' તથા સર્વજ્ઞશતક' ગ્રંથને અપ્રમાણ ઠરાવવા માટે—
“આ ગ્રંથોમાં અન્ય ધર્મોની અને અન્ય ગચ્છોની નિંદા કરવામાં આવેલ છે, પૂ. આ. શ્રી વિજયદાનસૂરિજી મહારાજે જે ‘ઉત્સૂત્રકુંદકુંદ્દાલ’ ગ્રંથને જલશરણ કરાવેલ છે તે ગ્રંથને આ ગ્રંથોમાં ‘આગમાનુસારી વચનવાળો' જણાવેલ છે, પૂ. આ. શ્રી વિજયહીરસૂરિજી મ. તથા પૂ. આ શ્રી વિજયસેનસૂરિજી મ. ને ગાળો આપી છે, મિથ્યાત્વી કહ્યાં છે, પાંચ બોલ–બારબોલની છડેચોક અવગણના કરી રહ્યા છે, અને વિપરીત પ્રરૂપણાઓ કરેલી છે!! માટે આવા શાસનહીલનાકારી, ભટ્ટારકોની અવહેલનાકારી ગ્રંથોને વહેલી તકે અપ્રમાણિક ગ્રંથો તરીકે જાહેર કરવા જોઈએ તેમ જ તેવી અવહેલના કરનારા સાગરોને યોગ્ય પ્રાયશ્ચિત્ત આપવું જોઈએ” આવો સ્વ તથા પર સમુદાયના મુનિઓમાં તેમજ શ્રાવકવર્ગમાં