Book Title: Pathikvagga Tika
Author(s): Vipassana Research Institute Igatpuri
Publisher: Vipassana Research Institute Igatpuri
View full book text
________________
(९.२७५-२७५)
पठमभाणवारवण्णना
१३३
अभिक्कन्ताति अतिक्कन्ता, विगताति अत्थोति आह "खये दिस्सती'ति । तेनेव हि "निक्खन्तो पठमो यामो''ति अनन्तरं वुत्तं । अभिक्कन्ततरोति अतिविय कन्ततरो । तादिसो च सुन्दरो भद्दको नाम होतीति आह "सुन्दरे दिस्सती"ति ।
कोति देवनागयक्खगन्धब्बादीसु को कतमो। मेति मम । पादानीति पादे । इद्धियाति इमाय एवरूपाय देविद्धिया । “यससा"ति इमिना एदिसेन परिवारेन, परिच्छेदेन च । जलन्ति विज्जोतमानो। अभिक्कन्तेनाति अतिविय कन्तेन कमनीयेन अभिरूपेन । वण्णेनाति सरीरवण्णनिभाय । सब्बा ओभासयं दिसाति दसपि दिसा पभासेन्तो चन्दो विय, सूरियो विय च एकोभासं एकालोकं करोन्तोति गाथाय अत्थो । अभिरूपेति उळाररूपे सम्पन्नरूपे । अब्भनुमोदनेति सम्पहंसने । इध पनाति “अभिक्कन्ताय रत्तिया''ति एतस्मिं पदे । तेनाति खयपरियायत्ता।
रूपायतनादीसूति आदि-सद्देन अक्खरादीनं सङ्गहो दट्ठब्बो। सुवण्णवण्णोति सुवण्णच्छवीति अयमेत्थ अत्थोति आह "छविय"न्ति । तथा हि वुत्तं "कञ्चनसन्निभत्तचो''ति' (दी० नि० २.३५; ३.२००, २१८; म० नि० २.३८६) सञ्जूळ्हाति सङ्गन्थिता । वण्णाति गुणवण्णनाति आह "थुतिय"न्ति, थोमनायन्ति अत्थो । कुलवग्गेति खत्तियादिकुलकोट्ठासे । तत्थ “अच्छो विप्पसन्नो''तिआदिना वण्णितब्बतुन वण्णो, छवि। वण्णनटेन वण्णो, थुति । अभित्थवनटेन वण्णो, थुति, अञमचं असङ्करतो वण्णितब्बतो ठपेतब्बतो वण्णो, खत्तियादिकुलवग्गो। वण्णीयति आपीयति एतेनाति वण्णो, आपकं कारणं । वण्णनतो थूलरस्सादिभावेन उपट्ठानतो वण्णो, सण्ठानं । “महन्तं खुद्दकं, मज्झिम''न्ति वण्णेतब्बतो पमाणेतब्बतो वण्णो, पमाणं | वण्णीयति चक्खुना विवरीयतीति वण्णो, रूपायतनन्ति एवं तस्मिं तस्मिं अत्थे वण्ण-सद्दस्स पवत्ति वेदितब्बा । सोति वण्णसद्दो। छवियं दट्ठब्बो रूपायतने गव्हमानस्स छविमुखेनेव गहेतब्बतो । "छविगता पन वण्णधातु एव सुवण्णवण्णोति एत्थ वण्णग्गहणेन गहिता''ति अपरे |
केवलपरिपुण्णन्ति एकदेसम्पि असेसेत्वा निरवसेसतोव परिपुण्णन्ति अयमेत्थ अत्थोति आह "अनवसेसता अत्थो"ति । केवलकप्पाति कप्प-सद्दो निपातो पदपूरणमत्तं, केवलं इच्चेव अत्थो । केवल-सद्दो बहुलवाचीति आह "येभुय्यता अत्थो"ति । केचि पन “ईसकं असमत्ता केवलकप्पा''ति वदन्ति । एवं सति अनवसेसत्थो एव केवल-सद्दत्थो सिया, अनत्थन्तरेन पन कप्प-सद्देन पदवड्डनं कतं केवलमेव केवलकप्पन्ति । अथ वा कप्पनीयता,
133
Jain Education International
For Private & Personal Use Only
www.jainelibrary.org
Page Navigation
1 ... 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338