Book Title: Dharmopadeshmala Vivaran
Author(s): Jinvijay
Publisher: Singhi Jain Shastra Shiksha Pith Mumbai
________________
अयोग्ये ग्रामेयक-कथा ।
१५९ -~[८९. अयोग्ये ग्रामेयक-कथा]एगस्स राय-सेवयस्स भारिया तम्मि मए दारयं घेत्तूण 'सुहेण इंधणाईणि वह ति भावंती गया गामंतरं । संपत्त-जोवणेण य पुच्छिया तणयेण- 'मम ताओ कह जीवंतो?' । तीए भणियं- 'ओलग्गाए । तेण भणियं- 'अहं पि ओलग्गामि । तीए भणियं - 'न तुमं जाणसि । तेण भणियं - 'सिक्खवेसु' । तीए भणियं- 'वच्छ ! ता . पढमं दूराओ दढूण माणणिजं महया सद्देणं जोहारो कीरइ' । 'एवं' ति पडिवअिऊण पयट्टो रायगिहं । अंतराले य मिग-वहणत्थं चाहेडिए निलुके दट्टण को महया सद्देण जोहारो । पलाणा मया । अंबाडिऊण सब्भावे सिट्टे मुक्को, सिक्खाविओ य अणुकंपाए तेहिं - 'एरिसं दट्ठण निलुकतेहिं सणियं सणियं आगम्मइ । अन्नत्थ दिट्ठा चोरा जाणणत्थं दिण्ण-थाणया धोवया निलुको आगच्छंतो दटुं चोरु त्ति काऊण बद्धो, सब्भावे य. कहिए मुक्को । एरिसं दट्टण 'खारो पडउ' ति वुच्चइ । अण्णत्थ पुण्णादे हल-वाहणुजुयाणं मज्झे भणियमणेणं- 'खारो एत्थ पडउ' । तत्थ वि ताडिऊण सब्भावे पिसुणिए मुक्को, सिक्खविओ य, एरिसे इमं वुच्चइ- 'सगडाणि भे भरिजंतु' । अण्णत्थ दिटुं मडयं नीणिजंतं, भणियं च णेण - 'अणेगाणि सगडाणि मय-माणुसाणं भरेह' । तत्थ वि तह चेव हंतूण मोत्तूण सिक्खविओ, एरिसं दट्टण इमं भण्णइ - 'अचंत-विओगो।। मे भवउ एयारिसेण' । पुणो पत्तो वारिजए लग्ग-वेलाए । भणियं च णेण - 'अचंतविओगो मे भवउ' । तत्थ वि तह चिय मुको सिक्खविओ य- 'एयं सासयं ति भवउ' त्ति भण्णइ । अण्णत्थ दिट्ठो निवलि( गडि )ओ ठकू(क)रो । भणियं च णेण - 'सासयमेयं भवउ' । तत्थ वि अंबाडिऊण सिक्खविओ, एरिसं दट्टण 'एताओ लहुँ मुच्चसु' ति वुच्चइ । अन्नत्थ दुनि जुवाणए प(पि)त्तिं करेंते दट्ठण भणियमणेण- 'एयाओ लहु, विओजुहो' ति । एवं च अणेगाणि एवंविहाणि करेंति । ठिओ जर-ठकुरस्स ओलग्गओ । अण्ण-दियहम्मि भणिओ से जायाए – 'वाहरसु भत्तारं, जहा उण्हो वि केयारिसो अबक्खलओ, सीयलीहूओ पुण असुंदरयरो भविस्सइ । तओ परिसा-मज्झे महया सद्देण एवं चिय वाहरिओ, लज्जायमाणो पत्तो गेहं ठकुरो । अंबाडिऊण सिक्खविओ- 'एरिसे कजे जहा-अवसरं सणियं कहिजइ' । अण्ण-दियहम्मि पलित्ते । गेहे पट्टविओ ठकुरस्स वाहरणत्थं । जहा-अवसरं कण्ण-मूले सिटुं जहा - 'पलितं गेहं' । गओ तत्थ दिटुं दहूं । तत्थ वि अंबाडिऊण भणिओ - 'धूमं गेहाओ नीहरंतं दट्ठण तओ सयमेव तत्थ छारो धूली उदगाइयं च खिप्पई । अण्ण-दियहम्मि अप्पाणयं धूवंतस्स निग्गओ धूमो, तओ से उवरि पक्खित्तो सह नीरेणं ति । ता जो एयारिसो अन्नो वि, न सो घेत्तवो त्ति ।
॥ गामेल्लय-खाणयं 'समत्तं ॥
PHHHHHHHHI
१ ह. क. सं० ।
Jain Education International
For Private & Personal Use Only
www.jainelibrary.org
Page Navigation
1 ... 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296