Dharmopadeshmala Vivaran

Author(s): Jinvijay
Publisher: Singhi Jain Shastra Shiksha Pith Mumbai

Page 220

सङ्घ-गुरुकार्य शक्तिप्रकटने विष्णुकुमार-कथा । भवसत्ताण, ता मा पडिबंधं कुणसु' । धुणो वि पणमिऊण गुरुं पविट्ठो नयरिं । वाहरिया मंतिणो, सह पहाण परियोण अण्हुशुमारो य-- 'भो भो ! निसुर्य चिय तुब्भेहिं संसारासारत्तणं । चिओ हं एत्तियं कालं, जं सामणं नाणुट्ठियं, ता संपयं विण्हुकुमारं रज्जे अहिसिंचिय गिहागि पवों' । तओ विण्णत्तं कुमारेण- 'ताय! अलमिमेहिं किंपागोवमेहिं भोगेहि, तुह चरियमेवाणुचरिस्सामो' । तओ जाणिऊण से: निच्छयं वाहरिओ महापउमो- 'पुत्त ! पडिबजसु रजं, जेण पचयामो' । तेण भणियं'तायमेवाणुचरिस्सामो, अहिसिंचन विण्डकुमार, जेण से भिन्चो हवामि' । राइणा भणियं- 'वच्छ ! पुणरुतं भणिओ वि न पडिवाइ, जेग मए सह पवइस्सई । तओ सबोवाहि-विसुद्धे वासरे महाविच्छड्डेणं कओ महापउमस्स रायाभिसेओ । पउमुत्तरेण वि आघोसण-पुव्वयं दवावियं महादाणं, पूइओ समण-संघो, कराविओ सव-जिणाययणेसु अट्टाहिया-महूसवो । पसत्थ-वासरे य अणुगम्नमाणो अणेगेहिं नरिंदाइएहिं, सह विण्हुकुमारेण महाविभूईए पवइओ पउमुत्तरो । वंदिआ। कया गुरुणा धम्मकहा
"चत्तारि परमंगाणि दुलहाणि य जंतुणो।
माणुसत्तं सुई सद्धा संजमम्मि य वीरियं ॥" तओ खओवसमेण थेवकालं चिय गहिया दुविहा सिक्खा । कालंतरेण य उप्पा- 18 डिऊणं केवलनाणं । महापउमरस वि उदाण्णमाउत्सालाए चकरयणं ति । अवि य
अह कय-पूयं चकं तियसिंद-दिसाए जोयणं गंतुं । तत्थेव ठियं राया संपत्तो तस्स मग्गेण ॥ उत्तुंग-रहारूढो संधिय-बाणो समुद्द-मज्झम्मि । तिण्णि दिणे उवउत्तो निय-नामंकं सरं मुयइ ॥ सो बारस-जोयणमवि ठियस्स तित्थाहिवस्स देवस्स । अत्थाणम्मि निवडिओ गुण-मुक्को जगह-तित्थम्मि । तं पुलोइऊणं रुट्ठो 'केणेस विसजिओ सरो एत्थ ?' । दहुं महपउमनामं तक्खणमेत्तेण उवसंतो ॥ गंतूण तओ तियसो चूडामणि-दाण-पुव्वयं भगइ । नरनाह ! एसो हं पुवदिसा-पालओ तुज्झ । आणा-फलं ति रजं तं से दाऊण अट्ट वि दिणाणि । काऊण तस्स महिमं संपत्तो दक्षिण-दिसाओ । तत्थ वि वरदाम-वई एवं चिय साहिओ सुरो रण्णा । पच्छिम-दिसाए पच्छा पभास-सामी वि एमेव ।। सिंधुनय-देवयं साहिऊण वेयव-सेल-देवं च । तिमिसगुहाए य पुणो कयमालं साहए राया ॥ ताहे अद्धबलेणं सिंधूए दक्खिणं दिसाभागं । साहेइ सुसेणवई तिमिसगुहाए कवाडाणि ॥
१. संठि।