Dharmopadeshmala Vivaran

Author(s): Jinvijay
Publisher: Singhi Jain Shastra Shiksha Pith Mumbai

Page 271

२१६
धर्मोपदेशमालायाम् णमिहेव अनत्थ वच्चामो' चिंतिऊण गहियाभरणा पयट्टा सत्थेण सह, कोसंबीए कमेण य संपत्ता । तत्थ दिट्ठाओ साहुणीओ । वंदिऊण य पुणरुत्तं पुच्छियाए साहिओ परमत्थो । संजाय-संवेगाइसया य निक्खंता एसा । अपत्था(च्छा)सिणो विव वाही वडिउमाढत्तं पोट्टं । पुच्छिया ए(य) पवत्तिणीए- 'वच्छे ! किमेयं " । तीए भणियमावण्ण-सत्ता पपइया, न पुवं सिटुं, मा पवजा न होहिति' त्ति । मयहरियाए भणियं'न सुंदरं कयं । पच्छण्णाए वड्डिओ गब्भो । कमेण य सव-लक्खण-जुत्तं पम्या दारयं । 'मा साहु-साहुणीणमुवघाय-किलेसाइणो हवंतु' चिंतंतीए रि(र)डघद्धण-नामंकियाए रयणमुहियाए सह मुको नरिंद-भवणंगणे । मोत्तूण अवकंता साहुणी । दारओ वि उवरि[म-तलारूढेण मणि-प्पभा-समुञ्जोय-गयणंगणो दिट्ठो राइणा; घेतूण य दिण्णो "धारिणीए- 'एस ते अपुत्ताए पुत्तो' त्ति । 'पच्छण्ण-गब्भा देवी पसूय' त्ति कयं महावद्धावणयं । अपि च- "रणे वने शत्रु-जलाग्निमध्ये महार्णवे पर्वत-मस्तके वा।
... सुप्तं प्रमत्तं विषम-स्थितं वा रक्षन्ति पुण्यानि पुराकृतानि ॥" साहुणीहिं पुच्छिया- 'कत्थ एगागिणी गया । तीए भणियं- 'वावणं डिंभरुवं " जायं, तस्स परिढवणत्थं' । सो य पंचधाई-परिवुडो वड्डिङ पवत्तो । कयं च से नाम
मणिप्पभो । साहुणी य महादेवीए सह मित्तिं काऊण दारयमभिनंदावेइ । कमेण संपत्त-जोषणस्स मओ ज(ऽजि)यसेन(ण)नरिंदो । 'असाधारण-गुणावास' त्ति काऊण अणिच्छतो वि अहिसित्तो महासामंतेहिं रायाहिसेएणं । अपि च- "नोदन्वार्थितामेति न वाऽम्भोभिन पूर्यते ।
आत्मा तु पात्रतां नेयः पात्रमायान्ति सम्पदः ॥" पयाणुरागाइ-गुण-गणावज्जियं परिणयं रजं । एवं च जम्मंतर-समुवञ्जिय-पुण्णाणुभाव-जणियं तिवग्ग-सारं जीवलोय-सुहमणुहवंतस्स समइकंतो कोई कालो।
'अहो ! जीए कएण माया वावाइओ, सा वि देवी न जाया' समुप्पण्ण-पच्छायावो तेणं चिय सुयस्स अवंतिसेणकुमारस्स रजं दाऊण तक्कालाणुरूव-कय-कायबो महाविभूईए - पवइओ अवंतिवद्धणनरिंदो । अवंतिसेणराइणा वि सिद्धा सवे वि पुखराइणो, नवरं
मणिप्पभराइणा पस-कालो वि न पट्टाविओ करो। तस्स मग्गणत्थं पेसिओ दूओ । पडिहार-निवेइओ य पविट्ठो एसो । कय-जहारिह-कायबो भणिउं पयत्तो ति
"आइसइ महाराओ अवंतिसेणो मणिप्पभनरिंदं ।
कालाणुरूव-कप्पं दाऊणं रजमणुहवसु ॥" . तओ अपुव-ऽवमाण-'सदं सोऊण समुप्पण्ण-दारुण-कोवानल-पम्हुट्ठ-कायवेण भणियं
राइणा- 'अरे रे ! एयस्स असमिक्खिय-जंपिरस्स झत्ति जिब्भं छिंदह' । तओ जं महाराओ आणवेइ' गहिय-सत्था समुट्ठिया पुरिसा। एत्थंतरम्मि मुणिय-मणो-वियप्पेण पडियं दूएणं ति
१ क.°णु।