________________
चाणक्याची जीवनकथा
(२२)
बिंदुसाराची जन्मकथा जसजसे मगधाचे राज्य वैभवाच्या शिखरावर चढत होते, तसतशी चाणक्याला चंद्रगुप्ताच्या सुरक्षिततेची अधिकाधिक काळजी वाटत होती. विशेषतः भोजनातून त्याला विषप्रयोग होऊ नये म्हणून, चाणक्य दक्ष राहू लागला. भोजनाच्या थाळीची अनेक उपायांनी विषपरीक्षा केल्याशिवाय, तो चंद्रगुप्ताला भोजनाची अनुमती देत नसे. ह्याच काळजीचा एक भाग म्हणून चाणक्य चंद्रगुप्ताला, स्वत:च्या हाताने भोजनातून, एक विशिष्ट रसायन देऊ लागला. त्या रसायनात असे सामर्थ्य होते की, त्यामुळे
