________________ ગ્રંથો લખી આપ્યા. વર્ષીતપ, પ00 આયંબિલ (દવા વગર) અને વર્ધમાન તપની અનેક ઓળીઓ ત્યાગપૂર્વક કરવા સાથે તેઓ સતત અધ્યયનઅધ્યાપનમાં રત રહેતા. 5 થી 7 વાચનાઓ પણ આપતા. અનેક પ્રાચીન હસ્તલિખિત પ્રતોના આધારે સંશોધન કરીને ગ્રંથો પ્રકાશન યોગ્ય બનાવતા. પૂજ્ય ગુરુદેવના અનેક પ્રવચન-પુસ્તકોનું પણ એમણે સક્ષમ સંપાદનપ્રકાશન કર્યું-કરાવ્યું. સૌ પ્રથમવાર રંગીન મુખપૃષ્ઠો સાથે 108 પ્રવચનપુસ્તકો તૈયાર કરી તેની હજારો નકલો પ્રકાશિત કરાવવા દ્વારા પૂ.ગુરુદેવના પ્રવચનોનો પ્રસાર-પ્રચાર કર્યો. અધ્યયનની અનેક શાખાઓના તેઓશ્રી નિષ્ણાત બન્યા. જપયોગને આત્મસાત્ કર્યો. શિલ્પ-વાસ્તુના મર્મવેદી બન્યા. સેંકડો જિનમંદિરો અને ગૃહમંદિરોનાં નિર્માણ-પ્રતિષ્ઠા કાર્ય તેઓશ્રીની નિશ્રામાં સંપન્ન થયાં. તેઓના માર્ગદર્શનમાં જે જિનબિંબ પરિકર કે શિલ્પ બને તે બેનમૂન બની રહે-એવાં કળાત્મક બન્યાં. શિલ્પી, મૂર્તિકાર કે કારીગર એમની પાસે નિત નવું શીખતા રહે-તેવી સ્વાભાવિક પ્રતિભાના તેઓ સ્વામી છે. ભોરોલતીર્થ, સ્મૃતિમંદિર-સાબરમતી, મુંબઈ-લાલબાગ, અમદાવાદજગવલ્લભ ને વસંતકુંજ, સમેતશિખર તલેટી તીર્થ અને જીરાવલા તીર્થ... આ દરેકના ઉત્થાન, પુનરુદ્ધાર અને વિશ્વપ્રસિદ્ધ વિશિષ્ટતાઓનાં સર્જનમાં તેઓશ્રીનાં બહુઆયામીય જ્ઞાન, અનુભવ, પુણ્ય અને પ્રતિભાનો પરચો જોવા મળે છે. 350 થી વધુ ગ્રંથોના સંપાદન, આલેખન અને પ્રકાશનાદિથી તેઓશ્રી ભાવોપકારક બન્યા છે. જૈન શાસનને અક્ષુણ રાખવા માટે પ્રાચીન તાડપત્રીય શ્રુતલેખન પદ્ધતિનો પુનરુદ્ધાર કરવા દ્વારા તેમણે એક વિશિષ્ટતર સત્કાર્ય કર્યું છે. સેંકડો પુણ્યાત્માઓ તેઓશ્રીના વરદહસ્તે રજોહરણને પામી મહાત્મા બન્યા છે અને તેઓશ્રી પણ 50 જેટલા શિષ્ય-પ્રશિષ્યો-પ્રપ્રશિષ્યો તથા આશ્રિત મુનિવરોનું સફળ યોગક્ષેમ કરી રહ્યા છે. ‘પ્રવચન-પ્રદાન દ્વારા સમષ્ટિનો ઉદ્ધાર’ તેઓશ્રીનું મુખ્ય વ્રત છે. બુલંદ 11.
