________________ તે સુગૃહીત નામધેય તપાગચ્છાધિરાજ પૂ.આ.શ્રી. વિજય રામચંદ્રસૂરીશ્વરજી મહારાજે તેમનું હીર પારખી લીધું હતું અને ભવિષ્યના શાસન-સંઘ-સમુદાયને રોશન કરનાર મહાતેજસ્વી નક્ષત્રમાં તેમના સંયમજીવનને વિશિષ્ટ આકાર આપવાનો મહાઉપકાર એ મહાપુરુષ કર્યો. એના પરિણામે નાના પર્યાયમાં જ એમનો બોધ પારગામી બન્યો, જિનવચનની શ્રદ્ધા અને સમર્પણ સંગીન બન્યાં તો શાસન કાજે સર્વસ્વના ભોગે મરી ફીટવાની અતિ દુર્લભ એવી ખુમારીનાં ય એમનામાં વાવેતર સાથે તેમનું સંસ્કરણ કાર્ય થયું તો દાદા-ગુરુદેવશ્રીજી દ્વારા આગમદિ શાસ્ત્રોનો પરમાર્થ પીરસી એમની પ્રજ્ઞાને પ્રતિભ બનાવવાનું પરાર્થકરણ કર્યુ. પૂ. મુનિરાજ શ્રી કીર્તિયશવિજયજી મહારાજ'માંથી ‘પૂ.આ.શ્રી. વિજય કીર્તિયશસૂરીશ્વરજી મહારાજ' સુધીની પર્યાય-વિકાસયાત્રાના માઈલસ્ટોનરૂપે કેટલાં કીર્તિમાન રચાયાં, તેની નોંધ કરતાંય પાનાંનાં પાનાં ભરાય તેમ છે. મુનિશ્રીના પર્યાયમાં તેઓ શાસ્ત્રાધ્યયનમાં ખોવાઈ ગયા. શાસ્ત્રનો પરમાર્થ ગુરુકૃપાથી જ મળે-આ રહસ્ય જાણતાં જ તેઓ પરમગીતાર્થ તપાગચ્છાધિરાજ શ્રીજીની સેવા-સુશ્રુષાના કાર્યમાં જી-જાનથી જોડાઈ ગયા. માત્ર દસેક વર્ષના પર્યાયમાં જ તેઓએ માત્ર ગુરુસેવાવેયાવચ્ચનો લાભ મળે અને ગુરુદેવ દ્વારા વધુ ને વધુ શાસનસેવા સંભવ બને, આ જ એક ધ્યેયથી શરીરચિકિત્સાની ત્રણેય શાખાઓનું સંગીન જ્ઞાન પણ તેમની સાથે ચર્ચા-વિમર્શ કર્યા બાદ જ ગુરુદેવશ્રીને દવા આપતા. ગચ્છવાસી પૂજ્યોને તેમના જ્ઞાનનો ઘણો લાભ થયો પૂ. ગુરુદેવશ્રીની અંતિમ નિર્ધામણાનો મહા-લાભ પણ તેઓશ્રી મેળવવા સોભાગી નીવડ્યા. એમણે સુઘડ અક્ષરે સેંકડો શાસ્ત્રો લીપીબદ્ધ કર્યા, પૂજ્ય ગુરુદેવને મોતીયો આવતાં એક એક ઈંચ જેવડા મોટા અક્ષરોમાં અભ્યાસ-વાચનના
