Agamni Olakh

Author(s): Vijaykirtiyashsuri
Publisher: Sanmarg Prakashan

Page 9

સાકાર કરવા માટે આદરેલા સફળ પ્રયાસ, પૂર્વભારતના શિરમોર સમેતશિખર તલેટી તીર્થના નિર્માણના પ્રારંભિક મંગલાચરણ-નિશ્રાદાતા, ગામે ગામે ગૃહમંદિરોનો ઘંટારવ, આવા કેટલાય માનસ્તંભો તેઓશ્રીના વિશિષ્ટ ગુણ અને પુણ્યમય યશસામ્રાજ્યના ગુણાનુવાદ કરી રહ્યા છે. શાસન, સંઘ, સમુદાયાદિના હિતકાર્યોમાં સતત ઉપયોગવંતા સૂરિજી જ્યારે પોતાનો અંતિમકાળ નિકટ આવ્યો ત્યારે કાળના ધર્મને જાણી ગયા. અંતસમયે પણ પજીવકાયની જયણા ચિંતવી અને ચતુર્વિધ શ્રીસંઘ તેમજ નિજ શિષ્ય-પટ્ટધર સૂરિવરના શ્રીમુખે “અરિહંતે સરણે પવન્જામિ” નો મહાનાદ સાંભળી, તે સૂરમાં સૂર પરોવી, પરમસહજભાવે, પરમસમાધિ સાધી પરલોકની વાટે અને પરલોકની પ્રાપ્તિ કાજે ચાલી ગયા. 42 વર્ષ જેટલા સાંસારિક જીવન અને એટલા જ વર્ષોના સંયમ પર્યાયમાં મહાનતમ જીવનાદર્શ આપી પરમોપકાર કરનારા આ મહાપુરુષના શ્રીચરણે તેઓશ્રીનાં દીક્ષા-પ્રાપ્તિ ક્ષણની અર્ધશતાબ્દીના પુણ્ય-અવસરે ભાવભરી વંદના.