Agamni Olakh

Author(s): Vijaykirtiyashsuri
Publisher: Sanmarg Prakashan

Page 8

દીક્ષા બાદ સ્વજનોને સંમત કર્યા. સ્વજનોએ ઉલ્લાસભેર વડી દીક્ષામાં ભાગ લીધો. પ્રથમ વર્ષે જ ઘોર શ્રેણીતપ કર્યો. શરૂના વર્ષોમાં જ એમના પ્રખર વૈરાગ્ય, ત્યાગ, તપ અને વિશિષ્ટતર કક્ષાના અધ્યાપક ગુણને લક્ષમાં લઈ પૂજ્ય ગુરુદેવશ્રીએ એમને સમુદાયસ્થ બાળમુનિઓ અને મુમુક્ષુઓનું ઘડતર કરવાનું મહાન કાર્ય સોંપ્યું, એમણે પણ અપ્રતિમ ભોગ આપી રફમાંથી ચળકતા હીરા પેદા કરી ગુરુદેવના કરકમળમાં પાછા ધર્યા. પાંચ-પાંચ વર્ષીતપ, અનેક સિદ્ધિ-શ્રેણી તપ, વર્ધમાન તપની સવાસોથી વધુ ઓળીઓ, વિશસ્થાનકતપ, તપાવલીમાંના મોટા ભાગના તપો, ત્રણે ઉપધાન, નવાણું યાત્રા આદિ વિશિષ્ટ અભિગ્રહોથી એમણે આરાધ્યા હતા. ગુરુસેવા અને ગચ્છની ભક્તિમાં એમણે જાત અને જીવન ઘસી નાંખ્યાં હતાં. દિવસે એમની પાસે જઈએ તો હાથમાં પ્રવચન-પુસ્તક જોવા મળતું અને રાત્રે જઈએ તો જપમાળાની સરગમ બજતી સંભળાય. પોતાના પંડા પ્રત્યે અતિ સુખ અને પારકાની પ્રકૃતિ જોઈ વાત્સલ્ય અને અનુશાસનની જુગલબંધી રચી સુમધુર વૈરાગ્ય-નાદ પેદા કરવો એમના માટે રમત વાત હતી. દેવ ને ગુરુદેવની અખંડ સેવા, સતત સુશ્રુષા અને નિ:સ્વાર્થ વૈયાવચ્ચ આદિ ગુણો એવા શિખરને સ્પર્યા કે એમાંથી દેવ-ગુરુ-કૃપાનો ધોધ વરસ્યો. ગામડાના “ગગલદાસ” જૈનશાસનના મહત્ત્વપૂર્ણ ગણિ-પંન્યાસઊપાધ્યાય અને છેવટે રાજાસમા “સૂરિપદે આરૂઢ થઈ અગણિત આત્માઓ પર ભાવોપકાર કરનાર બન્યા. કંઈ કેટલીયે અંજનશલાકા-પ્રતિષ્ઠાઓ, શતોપરિ દીક્ષાનાં દાન, જૈન શાસનના ગગનાંગણને ગજવતા મહોત્સવો, કોટિબંધ ધર્મદ્રવ્યની ઉછામણીઓ, પદ પદ પર લાખોનું ગુરુપૂજન થવા દ્વારા દેવદ્રવ્યની અભિવૃદ્ધિ, સેંકડો પુસ્તકોનાં પ્રકાશન, લાખો શ્લોક પ્રમાણ આગમાદિ સાહિત્યનું તાડપત્ર પર લેખન કરાવવા દ્વારા હજાર-દોઢ હજાર વર્ષ સુધીની જૈનશાસનની સુરક્ષિતતાનું આયોજન, નિજ ગીતાર્થમૂર્ધન્ય ગુરુદેવશ્રીના પ્રવચન સાહિત્ય અંત્રે એમનાય ગુરુવરશ્રીના શ્રીમુખે પ્રકાશિત થયેલી “એના સંસ્કૃત અનુવાદ કરી ભંડારોમાં સ્થાપન કરવાં, જેથી તે ભવિષ્યના સંઘો માટે શાસ્ત્રની ગરજ સારશે” એવી અભિલાષાને