Uttaradhyayan Sutram

Author(s): R D Wadekar, N V Vaidya
Publisher: Fergussion College

Page 84

८१.
मोक्खमग्गगई
[-२८.१६ नाणं च दंसणं चेव चरित्तं च तवो तहा। एस मग्गो त्ति पन्नत्तो जिणेहिं वरदंसिहि ॥२॥ नाणं च देसणं चेव चरित्तं च तवी तहा। एयमग्गमणुप्पत्ता जीवा गच्छन्ति सोग्गई ॥३॥ तत्थ पंचविहं नाणं सुयं आभिनिबोहियं ।
ओहिनाणं तु तइयं मणनाणं च केवलं ॥४॥ एयं पंचविहं नाणं दुव्वाण य गुणाण य । पज्जवाण य सब्वेसिं नाणं नाणीहि दंसियं ॥५॥ गुणाणमासओ दन्वं एगदव्वस्सिया गुणा। लक्खणं पज्जवाणं तु उभओ अस्सिया भवे ॥६॥ धम्मो अहम्मो आगासं कालो पुग्गल-अन्तवो। एस लोगो त्ति पन्नत्तो जिणेहिं वरदंसिहिं ॥७॥ धम्मो अहम्मो आगासं दवं इक्विकमाहियं । अणन्ताणि य दव्वाणि कालो पुग्गल-जन्तवो ॥ ८॥ गइलकखणो उ धम्मो अहम्मो ठाणलक्खणो। भायणं सव्वदव्वाणं नहं ओगाहलक्खणं ॥९॥ वत्तणालखणो कालो जीवो उवओगलक्षणो,। नाणेणं दसणेणं च सुहेण य दुहेण य ॥१०॥ नाणं च दंसणं चेव चरितं च तवो तहा। वीरियं उवओगो य एयं जीवस्स लक्खणं ॥११॥ सद्दन्धयार-उज्जोओ पहा छायातवेवा। वण्णरसगन्धफासा पुग्गलाणं तु लक्खणं ॥१२॥ एगत्तं च पुहत्तं च संखा संठाणमेव य। संजोगा य विभागा य पज्जवाणं तु लक्खणं ॥१॥ जीवाजीवा य बन्धो य पुण्णं पावासवो तहा। संवरो निज्जरा मोक्खो सन्तेए तहिया नव ॥१४॥ तहियाणं तु भावाणं सम्भावे उवएसणं। भावेणं सद्दहन्तस्स सम्मत्तं तं वियाहियं ॥१५॥ निसग्गवएसरुई आणालई सुत्त-बीयरुइमेव। .
अभिगम-वित्थाररुई किरिया-संखेव-धम्मई ॥१६॥ [ITS-II.U.6]