Book Title: Uttaradhyayan Sutram
Author(s): R D Wadekar, N V Vaidya
Publisher: Fergussion College
View full book text
________________
पमायाणं
[- ३९.६२
घाणस्स गन्धं गहणं वयन्ति तं रागहेउं तु मणुन्नमाह । तं दोसउं अमणुन्नमाहु समो य जो तेसु स वीयरागो ॥ ४८ ॥ गन्धस्स घाणं गहणं वयन्ति घाणस्स गन्धं गहणं वयन्ति । रागस्स हेउं समणुनमाहु दोसस्स हेउं अमणुन्नमाहु ॥ ४९ ॥ गन्धेसु जो गिद्धिमुवेइ तिव्वं अकालियं पावर से विणासं । 'रागाउरे ओसहगन्धगिद्धे सप्पे बिलाओ विव निक्खमन्ते ॥ ५० ॥ जे यावि दोसं समुवेइ तिव्वं तंसि क्खणे से उ उवेइ दुक्खं । बुद्दन्तदासेण सएण जन्तु न किंचि गन्धं अवरुज्झई से ॥ ५१ ॥ एमन्तरत्ते रुइरंसि गन्धे अतालिसे से कुणई पओसं । दुक्खस्स संपीलसुवंर वाले न लिप्पई तेण मुणी विरागो ॥ ५२ ॥ मन्धाणुगा साणुगए य जीवे चराचरे हिंसइ जेगरूवे । चित्तेर्हि ते परितावेइ बाले पीलेइ अत्तट्ठगुरू किलिट्टे ॥ ५३ ॥
९९
मन्धाणुवाएण परिग्गहेण उप्पायणे रक्खणसन्निओगे । व विओगे य कहं सुहं से संभोगकाले य अतित्तिलाभे ॥ ५४ ॥ गन्धे अतित्चे य परिम्महमि सत्तोवसत्तो न उबेर तुट्ठि । अतुट्ठदोसेण दुही परस्स लोभाविले आययई अदत्तं ॥ ५५ ॥ तण्हाभिभूयस्स अदत्तहारिणो गन्धे अतित्तस्स परिग्गहे य । मासामुयं वडइ लोभदोसा तत्थावि दुक्खा न विमुञ्चई से ॥ ५६ ॥ मोसस्स पच्छाय पुरत्थओ य पओगकाले व दुही दुरन्ते । एवं अदत्ताणि समाययन्तो गन्धे अतित्तो दुहिओ अणिस्सो ॥ ५७ ॥ गन्धाणुरत्तस्स नरस्स एवं कत्तो सुहं होज्ज कयाइ किंचि । तत्थोबमोगे वि किलेसदुक्खं निव्वत्तई जस्स कएण दुक्खं ॥ ५८ ॥ एमेव गन्धम्मि गओ पओसं उवेह दुक्खोहपरंपराओ । पटुचित्तो य चिणाइ कम्मं जं से पुणो होइ दुहं विवागे ॥ ५९ ॥ गन्धे विरत्ती मणुओ विसोगो एएण दुक्खोहपरंपरेण । न लिप्पई भवमज्झे वि सन्तो जलेण वा पोक्खरिणीपलासं ॥ ६० ॥ जिब्भाए रसं गहणं वयन्ति तं रागहेउं तु मणुन्नमाहु । तं दोसउं अमणुन्नमाहु समो य जो तेसु स वीयरागो ॥ ६१ ॥ रसस्स जिन्भं गहणं वयन्ति जिन्भाए रसं महणं वयन्ति । -रागस्स हेडं समणुन्नमाहु दोसस्स हेउं अमणुन्नमाहु ॥ ६२ ॥
Page Navigation
1 ... 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132