Tattvavatar

Author(s): Devchandra Kacchi, Bechardas Jivraj
Publisher: Meghji Thobhan Sheth

Page 51

माह-'प्राक् तैजसात् ' इति । औदारिकाद् असंख्येयगुणप्रदेशं वैक्रियम् , ततः असंख्येयगुणप्रदेशमाहारकम् इति ।
उत्तरयोः तैजसकार्मणयोः समप्रदेशसंशयस्य दूरीकतुमाह
अनन्तगुणे परे ॥३५॥ 'प्रदेशतः' इत्यनुवर्तते, तेनैव अभिसंबन्धः क्रियतेआहारकात् तैजसं प्रदेशतोऽनन्तगुणं, ततः कार्मणम् अनन्तगुणमिति ।
औदारिकशरीरयुतो गच्छन् प्राणी भित्त्यादौ प्रतिघातं लभमानस्ततो निवर्तते, तथा तैजस-कार्मणमात्रयुतोऽपि यत्र कापि संचरन् प्राणी प्रतिघातं लभते न वा ? इति निराकर्तु व्याकुरुते
पुनरप्रतिघाते ॥ ३६॥ मूर्तस्य मूर्तान्तरेण व्याघातः प्रतिघातः, मूर्तत्वेऽपि सूक्ष्मपरिणामात् स नास्ति-अनयोः-इति अप्रतिघाते । मूर्तमपि तेजः सूक्ष्मत्वेन अयापिण्डे प्रविशद् नाऽऽयसैः परमाणुस्कन्धैः प्रतिहन्यते, तथैव मूर्तयोरपि तेजस-कार्मणयोर्नास्ति क्वापि वज्रपटलपर्वतादिषु प्रतिघात इति ।
औदारिकादिभ्योऽनयोः किमियानेव विशेषः ? उतास्ति अन्योप कश्चन ? इति वचः समाधातुं संधत्ते
अनादिसम्बन्धे च ॥ ३७ ॥ 'च' शब्दो व्यवस्थितविकल्पार्थः । अनादिसम्बन्धे चात् तु सादिसम्बन्धे अपि । कार्यकारणभावसंतत्या बीजवृक्षवत् जीवन तयोः अनादिकः सम्बन्धः । विशेषापेक्षया तु. सादि