Book Title: Suryaprajnapti Chandraprajnapti
Author(s): Madhukarmuni, Kanhaiyalal Maharaj, Shobhachad Bharilla
Publisher: Agam Prakashan Samiti
View full book text
________________
दशमप्राभृत [ बावीसवां प्राभृतप्राभृत ]
णक्खत्ताणं सरूवपरूवणं
६०. प. ता कहं ते णक्खत्तविजए ? आहिए त्ति वएज्जा,
उ.
ता अयण्णं जंबुद्दीवे दीवे सव्वदीवसमुद्दाणं सव्वसमुद्दाणं सव्वब्धंतराए सव्वखुड्डाए जाव एगं जोयणसयसहस्सं आयाम - विक्खंभेणं, तिण्णि जोयणसयहस्साइं, सोलससहस्साईं, दोण्णि य सत्तावीसे जोयणसए तिणि य कोसे, अट्ठावीसं च धणुसयं, तेरस अंगुलाई, अद्धंगुलं च किंचि विसेसाहियं परिक्खेवेणं पण्णत्ते ।
―
क. ता जंबुद्दीवे णं दीवे
दो चंदा १. पभासेंसु वा, २. पभासेंति वा, ३. पभासिस्संति वा, ख. दो सूरिया, १. तविंसु वा, २. तवेंति वा, ३. तविस्संति वा,
तंजहा
ग. छप्पण्णं णक्खत्ता जोयं १. जोएंसु वा, २. जोएंति वा, ३. जोइस्संति वा, १. दो अभीई, २. दो सवणा, ३. दो धणिट्ठा, ४. दो सतभिसया, ५. दो पुव्वा पोट्ठवया, ६. उत्तरापोट्ठवया, ७. दो रेवई, ८. दो अस्सिणी, ९. दो भरणी, १०. दो कत्तिया, ११. दो रोहिणी, १२. दो संठाणा, १३. दो अद्दा, १४. दो पुणवस्सू, १५. दो पुस्सा, १६. दो अस्सेसाओ, १७. दो महाओ, १८. दो पुव्वाफग्गुणी, १९. दो उत्तराफग्गुणी, २०. दो हत्था, २१. दो चित्ता, २२. दो साई, २३. दो विसाहा, २४. दो अणुराधा, २५. दो जेट्ठा, २६. दो मूला, २७. दो पुव्वासाढा, २८. दो उत्तरासाढा ।
ता एएसि णं छप्पण्णाए णक्खत्ताणं
क. अत्थि णक्खत्ता जे णं णव मुहुत्ते सत्तावीसं च सत्तद्विभागे मुहुत्तस्स चंदेण सद्धिं जोयं जोएंति,
-
ख. अत्थि णक्खत्ता जे णं पण्णरस मुहुत्ते चंदेण सद्धिं जोयं जोएंति,
ग. अत्थि णक्खत्ता जे णं तीसं मुहुत्ते चंदेण सद्धिं जोयं जोएंति,
घ. अत्थि णक्खत्ता जे णं पणयालीसं मुहुत्ते चंदेण सद्धिं जोयं जोएंति,
प. क. ता एएसिं छप्पण्णाए णक्खत्ताणं -
-
कयरे णक्खत्ता जे णं णवमुहुत्ते सत्तावीसं च सत्तट्टिभागे मुहुत्तस्स चंदेण सद्धिं जोयं जोति ?
