________________
१३० ]
[ सूर्यप्रज्ञप्तिसूत्र
ख. कयरे णक्खत्ता जे णं पण्णरस मुहुत्ते चंदेण सद्धिं जोयं जोएंति ? ग. कयरे णक्खत्ता जे णं तीसं मुहुत्ते चंदेण सद्धिं जोयं जोएंति ?
घ. कयरे णक्खत्ता जे णं पणयालीसं मुहुत्ते चंदेण सद्धिं जोयं जोएंति ? उ. क. ता एएसि णं छप्पण्णाए णक्खत्ताणं -
तत्थ जे ते णक्खत्ता, जे णं णव मुहुत्ते सत्तावीसं च सत्तसट्ठिभागे मुहुत्तस्स चंदेण सद्धिं
जोयं जोएंति, ते णं दो अभीई, ख. तत्थ जे ते णक्खत्ता, जे णं पण्णरस मुहुत्ते चंदेण सद्धिं जोयं जोएंति, ते णं बारस, तंजहा -
१. दो सतभिसया, २. दो भरणी, ३. दो अद्दा, ४. दो अस्सेसा, ५. दो साती, ६. दो जेट्ठा। ग. तत्थ जे ते णक्खत्ता, जे णं तीसं मुहुत्ते चंदेण सद्धिं जोयं जोएंति, ते णं तीसं, तंजहा -
१. दो सवणा, २. दो धणिट्ठा, ३. दो पुव्वाभद्दवया, ४. दो रेवई, ५. दो अस्सिणी, ६. दो कत्तीया, ७. दो संठाणा, ८. दो पुस्सा, ९. दो महा, १०. दो पुव्वाफग्गुणी, ११. दो हत्था, १२. दो चित्ता, १३. दो अणुराधा, १४. दो मूला, १५. दो पुव्वासाढा, घ. तत्थ जे ते णक्खत्ता, जे णं पणयालीसं मुहुत्ते चंदेण सद्धिं जोगं जोएंति, ते णं बारस,
तंजहा - १. दो उत्तरापोट्ठवया, २. दो रोहिणी, ३. दो पुणवस्सू, ४. दो उत्तराफग्गुणी, ५. दो विसाहा, ६. दो उत्तरासाढा। क. ता एएसि णं छप्पण्णाए णक्खत्ताणं -
अत्थि णक्खत्ता जे णं चत्तारि अहोरत्ते, छच्च मुहुत्ते सूरिएणं सद्धिं जोगं जोएंति, ते णं
दो अभीयी, ख. अत्थि णक्खत्ता जे णं छ अहोरत्ते, एगवीसं च मुहुत्ते सूरिएणं सद्धिं जोगं जोएंति, ग. अस्थि णक्खत्ता जे णं तेरप्त अहोरत्ते, बारस य मुहुत्ते सूरेण सद्धिं जोगं जोएंति,
घ. अत्थि णक्खत्ता जे णं वीसं अहोरत्ते, तिन्नि य मुहुत्ते सूरेण सद्धिं जोगं जोएंति, प. क. ता एएसि णं णक्खत्ताणं - ___ कयरे णक्खत्ता जे णं चत्तारि अहोरत्ते छच्च मुहुत्ते ससूरिएण सद्धिं जोयं जोएंति ? ख.कयरे णक्खत्ता जे णं छ अहोरत्ते एगवीसं च मुहुत्ते सूरिएण सद्धिं जोयं जोएंति ? ग. कयरे णक्खत्ता जे णं तेरस अहोरत्ते बारस य मुहुत्ते सूरिएण सद्धिं जोयं जोएंति ?
घ. कयरे णक्खत्ता जे णं वीसं अहोरत्ते तिन्नि य मुहुत्ते सूरिएण सद्धिं जोयं जोएंति ? उ. क. ता एएसिणं छप्पण्णाए णक्खत्ताणं -
तत्थ जे ते णक्खत्ता, जे णं चत्तारि अहोरत्ते, छच्च मुहुत्ते सूरेण सद्धिं जोगं जोएंति, ते
