Book Title: Suryaprajnapti Chandraprajnapti
Author(s): Madhukarmuni, Kanhaiyalal Maharaj, Shobhachad Bharilla
Publisher: Agam Prakashan Samiti
View full book text
________________
सुयथविरपणीयं चंदपण्णत्तिसुत्तं नमो अरिहंताणं॥ जयइ नव-नलिण-कुवलय-वियसिय-सयवत्त-पत्तलदलच्छो। वीरो गइंद-मयगल-सललिय-गयविक्कमो भयवं॥१॥ नमिऊण असुर-सुर-गरुल-भुयग-परिवंदिए गणेकिलेसे। अरिहे सिद्धायरिय-उवज्झाए सव्वसाहू य॥२॥ फुड-विगड-पागडत्थं, वुच्छं पुव्व-सुय-सार-नीसंदं। सुहुमं . गणिणोवइटें, जोइस-गणरापपण्णतिं ॥३॥ नामेण इंदभूइति गोयमो वंदिऊण तिविहेणं। पुच्छइ जिणवर वसहं जोइसरास्स पण्णतिं ॥४॥ कड़ मंडलाइ वच्चइ १, तिरिच्छा किं च गच्छई २। ओभासइ केवइयं ३, सेयाइ किं ते संठिई ४॥५॥ कहिं पडिहया लेसा ५, कहं ते ओयसंठिई ६। के सूरियं वरयते ७, कहं ते उदयसंठिई ८॥६॥ कइकट्ठा पोरिसीच्छाया ९, जोगेत्ति किं ते आहिए १०। किं ते सवच्छराणाई ११, कइ संवच्छराइ य १२॥७॥ कहं चंदमसो वुड्डी १३, कया ते दो (जो) सिणा बहू १४। के सिग्घगई वुत्ते १५, किं ते दो (जो) सिणलक्खणं १६॥८॥ चयणोववाय १७, उच्चत्ते १८, सूरिया कइ आहिया १९।। अणुभावे केरिसे वुत्ते २०, एवमेयाइं वीसई॥९॥ सूत्र १ वड्डोवड्डी १,
मुहुत्ताण-मद्धमंडलसंठिई २। के ते चिण्णं परियरइ ३, अंतरं किं चरंति य ४॥१०॥
