Suryaprajnapti Chandraprajnapti

Author(s): Madhukarmuni, Kanhaiyalal Maharaj, Shobhachad Bharilla
Publisher: Agam Prakashan Samiti

Page 225

१७४ ]
[ सूर्यप्रज्ञप्तिसूत्र
मिउ-विसय-सुहुम-लक्खण-पसत्थ-वरवण्ण-केसरसटोवसोहिआणं, ऊसिअ-सुनमिअ-सुजाय-अप्फोडिअ-लंगूलाणं, वइरामय-णक्खाणं, वइरामय-दाढाणं, वइरामय-दंताणं,
तवणिज-जीहाणं, तवणिज-तालुआणं, तवणिज-जुत्त-जोत्तगसुजोइआणं कामगमाणं, पीइगमाणं, मणोगमाणं, मणोरमाणं, अभिजिअगईणं,
अमिअ-बल-वीरिअ-पुरिसक्कार-परक्कमाणं, महया अप्फोडिअ-सीहणाय-बोल-कलकल-रवेणं महुरेणं मणहरेणं पूरेता अंबरं, दिशाओ य सोभयंता, चत्तारि देवसाहस्सीओ सीहरूवधारीणं पुरिथिमिल्लं वाहं वहंति, चंदविमाणस्स णं दाहिणेणं, सेआणं, सुभगाणं, सुप्पमाणं, संखतल-विमल-णिम्मल-दधिषण-गोखीरफेण-रयय-णिगरप्पगासगाणं, वइरामयकुंभयुगल-सुट्ठिअ-पीवर-वरवइरसोंड-वट्टिअ-दित्त-सुरत्त, पउमप्पगासाणं, अब्भुण्णय-मुहाणं, तवणिज्ज-विसालकण्णचंचल-चलंत-विमलुजलाणं, महुवण्ण-भिसंत-णिद्ध-पत्तल-णिम्मल-तिवण्ण-मणि-रयण-लोयणाणं, अब्भुग्गय-मउल-मल्लिआधवलसरिससंठिय-णिवण्णदढ-कसिण-फालिआमय-सुजाय-दंतमुसलोवसोभिआणं, कंचणकोसी-पविट्ट-दंताग-विमल-मणि-रयण-रुइल-पेरंत-चित्तरूवग-विराइआणं, तवणिज्ज विसाल तिलगप्पमुह परिमण्डियाणं णाणामणि रयण मुद्ध गेविज्ज बद्ध गलयवर भूषणाणं वेरूलिप विचिंत दण्ड निम्मल बइरामय तिक्खलट्ठ अंकुस कुंभजुयलयंतरोडिआणं, तवणिज्ज-सुबद्ध-कच्छ-दप्पिअ-बलुद्धराणं, विमल-घण-मंडल-वइरामय-लालाललियतालणं, णाणामणि-रयण-घंट-पासग-रजतमय-बद्ध-रज्जु-लंबिय-घंटाजुयल-महुरसरमणहराणं, अल्लीण-पमाणजुत्त-वट्टिअ-सुजाय-लक्खण-पसत्थ-रमणिज्ज-वालगत्तपरिपुंछणाणं, उवचिअ-पडिपुण्ण-कुम्म-चलण-लहु विक्कमाणं, अंकामयणक्खाणं, तवणिज्ज-जीहाणं, तवणिज्जतालुआणं, तवणिज्ज-जोत्तग-सुजोइआणं, कामगाणं, पीइगाणं, मणोगमाणं, मनोरमाणं, अमियगईणं, अमिय-बल-वीरिय-पुरिसक्कारपरक्कमाणं, महया-गंभीर-गुलगुलाइतरवेणं महुरेणं मणहरेणं, पूरेता अंबरं, दिसाओ य सोभयंता, चत्तारि देवसाहस्सीओ गयरूवधारीणं देवाणं दक्खिणिल्लं वाहं परिवहंति, चंदविमाणस्स णं पच्चत्थिमेणं, सेआणं, सुभगाणं, सुप्पभाणं, चल-चवल-ककुह-सालीणं, घण-निचिअ-सुबद्ध-लक्खणुण्णयईसिआणय-वसभोट्ठाणं, चंकमिअ-ललिअ-पुलिअ-चलचवल-गव्विअ-गईणं, सन्नतपासाणं संगतपासाणं सुजायपासाणं, पीवरवट्रिअ-सुसंठिअ-कडीणं, ओलंब-पलंब-लक्खण-पमाणजुत्त-रमणिज्ज-वालगंडाणं समखुरवालिधाणाणं, समलिहिअ-सिंग-तिक्खग्ग-संगयाणं, तणु-सुहुम-सुजाय-णिद्ध-लोमच्छवीणं, उवचिअ-मंसल-विसाल-पडिपुण्ण-खंध-पएस-सुंदराणं, वेरुलिअ-भिसंत-कडक्ख-सुनिरिक्खणाणं, जुत्तप्पमाण-पहाणलक्खण-पसत्थ-रमणिज-गग्गर-गल्ल-सोभियाणं,