________________
૨મા અને રામાના રાગથી રહિત બનવા માટે રત્નત્રયી અને તત્ત્વત્રથી પ્રત્યે મહારાગ કેળવવો એજ સરળ અને સચોટ ઉપાય છે એમ પોતાના જીવન દ્વારા જગતુ-જીવોને સંદેશો આપનાર એવા હે (અપ્રશસ્ત) રાગ વિજેતા ! પૂજ્ય ગુરૂદેવ ! રત્નત્રયીના આરાધકો અને તત્ત્વત્રયીના ઉપાસકો માટે આપનું જીવન આદર્શરૂપ બની રહો!
જીવો અને જીવવા દો' (Live and let live) એ લૌકિક સૂત્ર છે. જ્યારે પોતાની જાનના જોખમે કે ભોગે પણ બીજા જીવોને જીવાડો' એવો લોકોત્તર સંદેશ આપનાર જો કોઈ હોય તો તે શ્રી જિનશાસનની જ બલિહારી છે એવી ઉમદા ઉદ્ઘોષણા કરનારા હે શુદ્ધ પ્રરૂપક ! પ્રખર વક્તા! પૂજ્ય ગુરૂદેવ !... વાતવાતમાં શાસ્ત્રવિરૂદ્ધ મનઘડંત વિધાનો આડેધડ કરતા રહીને પોતાને ક્રાંતિકારી કહેવડાવવામાં આનંદ માનનારા કેટલાક અર્ધદગ્ધ કહેવાતા સમાજ સુધારકો ? આપશ્રીની શાસ્ત્રાનુસારિણી વિચારસરણીના હાર્દને સમજે તો કેવું સારુ? પણ વો દિન કહાં કિ...? બહામોહથી મુંજાઈને કંચન-કામિની-કુટુંબ-કીર્તિ અને કાયાની માયામાં મગ્ન એવા મુગ્ધ માનવોના મનમાં, મહાપુરુષોથી પણ સ્પૃહણીય એવી મુક્તિરામણી પ્રત્યે મમતા ઉત્પન્ન કરાવનાર એવા છે મુક્તિવર્ધમેલાપક! મોક્ષમાર્ગોપદેટા ! પૂજ્ય ગુરૂદેવ !.. આપની કૃપાનાં પ્રભાવથી ભવાભિનંદી એવા અમારા અંતરમાં સંસારસુખો પ્રત્યે તીવ્ર નિર્વેદ અને તીવ્ર મોક્ષરૂચિ ઉત્પન્ન થાઓ
લીમ યુક્ત હૈયાથી, વિઘ્ન સંતોષી વિરોધીઓનાં વિરોધ રૂપી વાવંટોળ સામે ક્યારેક એકલવીર બનીને પણ હિંમતભેર ઝઝુમીને આજીવન શાસન-સંઘ-ગચ્છ-સમાજ અને ધર્મની સેવાનાં પુણ્ય સંકલ્પને વરેલા એવા હે શાસન સૌધસ્તંભાયમાન!ધર્મવીર!પૂજ્ય ગુરૂદેવ!...ધર્મ અને સંસ્કૃતિ ઉપર અનેક પ્રકારની આફતોના સમયમાં પણ સ્વકર્તવ્યથી વિમુખ બનીને માયા-મમતાની ચાદર ઓઢીને સુખશયા ઉપર મીઠી મજાની મોહનિદ્રામાં પોઢેલા શાહમૃગ જેવી ભાગેડુ વૃત્તિવાળા અમારા જેવા જીવો માટે આપશ્રીનું અપ્રમત્ત જીવન પડકારરૂપ બની રહો. રાત્રે દોઢેક વાગ્યે નિદ્રાત્યાગ કરીને રાત દિવસ રત્નત્રયીની આરાધનામાં અવિરતપણે રમણતા કરનારા એવા હે અપ્રમત્ત આરાધક!પૂજય ગુરૂદેવ!.. સવારના સાડા સાત વાગ્યે પણ પથારીમાં જ બેસીને ચા પીધા પછી જ પથારીમાંથી નીચે પગ મૂક્તાંની સાથે જ આખી દુનિયાની પંચાત કરનારા છાપામાં મોટું ઘાલનારા એવા બિચારા પ્રમત્ત સંસારી જીવો આપની અપ્રમત્તતાની કદર ક્યાંથી કરી શકશે?
જમાનાવાદનાં ઝેરી ઝપાટામાં ઝડપાયેલા જગતુ-જીવોને જગદુદ્ધારક શ્રી જિનેશ્વર ભગવંતોના જયવંતા જિનશાસનના જીવમાત્રની રક્ષા કરવાના સંદેશને પહોંચાડવા માટે સદૈવ તત્પર એવા હે પરોપકાર પરાયણ! પરાર્થરસિક ! પૂજ્ય ગુરૂદેવ !.. આપના અચિંત્ય પ્રભાવથી, અમારા અંતરમાં અનાદિકાળથી અડો જમાવીને બેઠેલી જડ પદાર્થો પ્રત્યેની પ્રીતિ દૂર થઈ, સમસ્ત જીવરાશિ પ્રત્યે સ્નેહપરિણામ જાગ્રત થાઓ. સામાન્ય આત્મામાંથી સહુ કોઈને સિદ્ધ પરમાત્મા બનાવી દેવાનાં પુણ્ય સંકલ્પને વરેલા શ્રી જિનશાસનની રક્ષા-ઉન્નતિ અને પ્રભાવના કરવાને માટે સદેવ સજાગ રહેનારા એવા હે શાસનસમ્રાટ !સૂરિપુંગવ! પૂજ્ય ગુરૂદેવ ! આપશ્રીના સૂરિપદની રજત જયંતિની માફક માત્ર પાંચ જ વર્ષ પછી આવનાર આપના સંયમ પર્યાયની સુવર્ણ જયંતિ અને સાત વર્ષ પછી આવનાર આપના જન્મની હિરક જયંતિ ઉજવવા માટે અમારું અંતર થનગની રહ્યું છે !..
eeeeee 23 eeeeeeeeee૭
