________________
સંતપુરૂષને પણ આવો વ્યાધિ લાગુ પડી શકતો હોય તો પછી ધર્મનો પ્રત્યક્ષ પ્રભાવ કઇ રીતે માની શકાય? ઇત્યાદિ.
- આ પ્રશ્નનું સમાધાન મેળવવા માટે આપણે એક વ્યાવહારિક ઘટનાનો વિચાર કરીએ. જેમ કોઇ મોટી વેપારી કંપની ફડચામાં જઇ રહી છે અને હવે દેવાળું કાઢવાની અણી પર છે એવા સમાચાર પ્રસરતાંની સાથે જ ચારે બાજુથી બધા લેણદારો પોતાનું લેણું વસુલ કરી લેવા માટે એ કંપની ઉપર ઘસારો કરે છે. તેવી જ રીતે જ્યારે કર્મસત્તાને ખબર પડે છે કે હવે અમુક આત્મા અનાદિકાળથી ચાલી રહેલી સંસારની પેઢીને સમેટી લઇને મોક્ષમાં જવાની તૈયારીમાં છે ત્યારે વિવિધ કર્મપ્રકૃતિઓ પણ જાણે કે પોતાનું લેણું વસુલ કરી લેવા માટે ઉતાવળ કરતી હોય તેમ ઉદયમાં આવે છે. પરિણામે આવા આસન્નસિફિક-નિકટમોક્ષગામી મહાત્માઓ ઉપર પણ મરણાંત ઉપસક રોગાદિપરિષહોની ફોજ તૂટી પડે છે.
ચરમ તીર્થંકર પરમાત્મા શ્રી મહાવીરસ્વામીને પણ થયેલા ભયંકર ઉપસર્ગો, વર્તમાન યુગમાં નવકાર મહામંત્રના અજોડ સાધક, અજાતશત્ર, અધ્યાત્મયોગી સ્વ. પંન્યાસ શ્રી ભદ્રંકરવિજયજી ગણિવર્યશ્રી જેવાને પણ દીર્ઘકાળ સુધી ચાલેલી અંતિમ બિમારી.... આત્મજ્ઞાની શ્રીમદ્ રાજચંદ્રને ભર યુવાવસ્થામાં લાગુ પડેલા ટી.બી. નો અસાધ્ય વ્યાધિ, કલાકે સુધી દેહભાના ભૂલીને ભાવસમાધિમાં લીન રહેતા અજૈન સંત શ્રી રામકૃષ્ણ પરમહંસને પણ ઉત્પન્ન થયેલ ગળાના કેન્સરનું જીવલેણ દઈવિગેરે જૈન અજૈન પ્રાચીન અર્વાચીન અનેક મહાપુરૂષોના જીવન ચરિત્રો ઉપરોક્ત વિધાનનું સમર્થન કરવા માટે વિદ્યમાન છે.
એટલે આવા તપસ્વી-સંચમી ગુરૂદેવશ્રીને પણ આવો અસાધ્ય વ્યાધિ લાગુ પડ્યો તેમાં કશુંય આશ્ચર્ય નથી. પરંતુ અસહ્ય વેદના વચ્ચે પણ અપૂર્વ સમતા એ જ ધર્મનો પ્રત્યક્ષ પ્રભાવ પૂજ્યશ્રીના જીવનમાં સ્પષ્ટપણે જોઈને નાસ્તિકનાં મસ્તકપણ અહોભાવથી ઝુકી જતા હતા. વિષમ પરિસ્થિતિમાં પણ પ્રતિક્રમણાદિ આવશ્યક ક્રિયાઓ પ્રત્યેની પૂ. ગુરૂદેવશ્રીની અભિરૂચિ અને જાગૃતિ ખરેખર આપણને આશ્ચર્ય સાથે અહોભાવ ઉત્પન્ન કરાવે તેવા હતા. કોઇ કવિએ સાચું જ કહ્યું છે કે
कर्मभोग भोगे सही, ज्ञानी मूरख दोय।
ज्ञानी भोगे भजनकर, मूरख भोगे रोय।। પરમારા ધ્યપાદ પૂજ્ય ગુરૂદેવશ્રી ખરેખર એક અઠંગ કર્મયોગી' હતા
27
