________________
પ્રિય ચેતન,
(૧૬)
પર્યુષણ પર્વાધિરાજની પવિત્ર પ્રસાદી પત્રાંક-૩
વૈવિસર્જડ, મૈત્રી સર્જક... શ્રી નવકાર”
સપ્રેમ ધર્મલાભ.
જીવ માત્ર સાથે મૈત્રીભાવભર્યા સંબંધને સુદૃઢ બનાવવાનો સુંદર સંદેશો આપતા પર્વાધિરાજ શ્રી પર્યુષણ મહાપર્વનો આજે ત્રીજો દિવસ છે. ગઇ કાલના પત્રના અનુસંધાનમાં આજે એક બોધદાયક સત્ય ઘટના રજુ કરું છું તે તું મનનપૂર્વક વાંચજે.
આજથી થોડા વર્ષ પૂર્વે શંખેશ્વરજી મહાતીર્થમાં નવકાર મહામંત્રના પરમ આરાધક અજાતશત્રુ પ.પૂ.પંન્યાસ પ્રવર શ્રી ભદ્રંકરવિજયજી મ.સા. આદિ પૂછ્યોની નિશ્રામાં નવકાર મહામંત્રના આરાધક આત્માઓનું ત્રિદિવસીય સંમેલન ગોઠવવામાં આવ્યું હતું. તેમાં ત્રીજા દિવસે રાત્રે નવકાર વિષે પ્રશ્નોત્તરી ગોઠવવામાં આવી હતી. જિજ્ઞાસુઓના પ્રશ્નોના પ્રત્યુત્તરો આપવાની જવાબદારી જાણીતા તત્ત્વચિંતક શ્રી કિરણભાઈ પારેખને સોંપવામાં આવી હતી.
રાત્રે લગભગ ૧૧.૦૦ વાગ્યે પ્રશ્નોત્તરી કાર્યક્રમ પૂર્ણ થતાં સભાનું વિસર્જન થયું. બધા જ શ્રોતાઓ સ્વસ્થાને ચાલ્યા ગયા. પરંતુ એક ભાઇ ત્યાં જ બેઠા હતા. સભાના સંચાલકે તેમને પૂછ્યું ‘તમારે હજી કાંઇ પૂછવાનું બાકી રહી ગયું છે?’ આ સાંભળતાં જ પેલા ભાઇ કંઇક આવેશમાં આવીને કહેવા લાગ્યા ‘મારે કંઇ જ પૂછવું નથી, પરંતુ ફક્ત એટલું જ કહેવું છે કે મહેરબાની કરીને આવા ધતીંગ બંધ કરો. તમે લોકોએ ત્રણ દિવસમાં નવકાર મંત્રના મહિમા વિષે જે ભાષણો ઠોક્યા છે તે બધું જ હંબગ છે. હાલના જમાનામાં નવકાર મંત્રમાં આવો કોઇ જ પ્રભાવ નથી. આ વાત હું મારા ૩૬ વર્ષોના જાત અનુભવના આધારે છાતી ઠોકીને કહી રહ્યો છું!’
અણધાર્યા આવા શબ્દો સાંભળીને સંચાલક ભાઇ તો ડઘાઈ જ ગયા. છેવટે તેઓ એ ભાઇને કિરણભાઇ પાસે લઇ ગયા અને બધી હકીકત તેમને જણાવી. કિરણભાઈને પણ આ કેસનું સંશોધન કરવાની જિજ્ઞાસા ઉત્પન્ન થઇ. 9998709
