________________
(૧૮)
પર્વાધિરાજ પર્યુષણની પવિત્ર પ્રસાદી પત્રાંક -૫ ‘શુભાશુભ ભાવોનો અજબ ગજબનો પ્રભાવ'!
પ્રિય ચેતન,
સપ્રેમ ધર્મલાભ. ગત બે પત્રોમાં વર્ણવેલ સત્ય ઘટનાની તારા ઉપર તેમજ અનેક મિત્રો ઉપર ખૂબજ સુંદર અસર થઇ છે અને તેં તથા તારા કેટલાક મિત્રોએ પરમેષ્ઠીને પ્રાર્થનાનો પ્રયોગ પણ શરુ કરી દીધો છે તે જાણીને ખૂબ જ આનંદ થયો છે. એ પ્રયોગમાં તમને સહુને શીઘ્ર સફળતા મળો એવી અંતરની શુભેચ્છા પાઠવું છું.
ચેતન! આપણને કોઇપણ વ્યક્તિ પ્રત્યે દ્વેષભાવ ન હોય છતાં પૂર્વ જન્મના તથા પ્રકારના ઋણાનુબંધને લીધે આપણા પ્રત્યે કોઇક જીવને એકપાક્ષિક દ્વેષભાવ હોય એવું પણ બની શકે છે. એવા પ્રસંગે આપણે જો આ રીતે પ્રાર્થનાનો પ્રયોગ કરીએ અને સામી વ્યકિતનો વાંક ન વિચારતાં પૂર્વભવમાં એના પ્રત્યેના આપણા જ પ્રતિકૂળ વર્તનને તે માટે જવાબદાર માનીને તે વ્યક્તિ પ્રત્યે અંતરમાંથી રોજ શુભ ભાવોનો પ્રવાહ વહેવડાવીએ તો એક દિવસ ચોક્કસ એવો આવે જ કે જ્યારે તે વ્યક્તિ આપણી શત્રુમટીને જિગરજાન મિત્ર બની ગઇ હોય.
આપણી વાણી તથા વર્તનની અસર જેમ સામી વ્યક્તિ ઉપર થાય છે તેમ આપણા અંતરના માત્ર શુભાશુભ ભાવોની પણ કેવી અજબ ગજબની સામી વ્યક્તિ ઉપર અસર થાય છે તે જણાવવા માટે એક દૃષ્ટાંત રજુ કરુંછું તે મનનપૂર્વક વાંચજે.
એક રાજા શિકારની પાછળ ઘોડો દોડાવતાં દોડાવતાં સાથીદારોથી વિખૂટો પડી ગયો. ભયંકર જંગલમાંથી પાછા નગરમાં જવાનો રસ્તો મળતો નથી. સખત ભૂખ તથા થાકને લીધે એક ઝાડ નીચે લમણે હાથ દઇને બેઠેલા ચિંતાતુર રાજાને જોઇને એના ભાગ્યયોગે આવી ચડેલા કઠિયારાએ રાજાને પોતાની સાથેના ભાથામાંથી ખાવા-પીવાનું આપ્યું અને નગરના રસ્તે ચડાવ્યો. આથી તે પરમ ઉપકારી કઠિયારાને કૃતજ્ઞ રાજાએ ચંદનનો બગીચો બક્ષિસમાં આપી દીધો. કઠિચારાનું ગુજરાન સહેલાઇથી ચાલવા લાગ્યું.
કેટલાક સમય બાદ એ રાજાનું આયુષ્ય પૂર્ણ થયું. રાજાના શરીરનો અગ્નિ
69696 80 exegese
