________________
એનો કોઇ વાંક નથી. લગ્ન થયા પહેલાં તો એ ખૂબ આદરપૂર્વક વર્તતો હતો. લગ્ન બાદ પત્નીની ઉશ્કેરણીથી જ તેનું વર્તન બદલાયું છે. માટે ભાભીનો વાંક ગણાય પરંતુ ભાઈ તો નિર્દોષ છે. માટે તેના પ્રત્યે દ્વેષ રાખવો ઉચિત નથી.’’
કિરણભાઇએ જણાવ્યું ‘સારી નિશાની છે. પ્રાર્થના અને જાપ ચાલુ રાખજો...’ પંદરેક દિવસ બાદ ફરી પેલા ભાઇએ લખ્યું કે “હવે મને થાય છે કે ભાભી ઉપર પણ દ્વેષ રાખવા જેવો નથી. દરેક જીવ કર્મને આધીન છે. વળી હે જીવ! તેં પૂર્વ ભવોમાં એમના પ્રત્યે પ્રતિકૂળ વર્તન કર્યું હશે માટે આજે એમને તારી પ્રત્યે આવું વર્તન કરવાનું મન થાય છે. એટલે હકીકતમાં વાંક તારો જ છે. બીજા કોઇનો જ નહીં, માટે કોઇના ઉપર પણ દ્વેષ રાખવા જેવો નથી.”
-
કિરણભાઇએ લખ્યું ‘ખૂબ જ આનંદની વાત છે. તમારી નવકાર સાધના હવે સમ્યક્ રીતે થઇ રહી છે. આ જ રીતે પ્રાર્થના જાપ ચાલુ રાખજો.’ ફરી કેટલાક દિવસો બાદ એટલે કે પ્રાર્થના જાપ શરૂ કર્યા ને લગભગ ચારેક મહિના થયા, ત્યારે પેલા ભાઇનો ૨૨ પાના ભરેલો વિસ્તૃત પત્ર કિરણભાઇ ઉપર આવ્યો! જેનો સારાંશ નીચે મુજબ છે.
“ખરેખર તમારો આભાર માનવા માટે મને કોઇજ શબ્દો મળતા નથી. તમોએ બતાવેલ વિધિ પ્રમાણે નવકારની સાધના કરતાં આજે સગા ભાઇઓ વચ્ચે વર્ષોથી ઊભી થયેલી દિવાલ સંપૂર્ણપણે દૂર થઇ ગઇ છે. મારા આનંદનો આજે પાર નથી.
વાત એમ બની છે કે થોડા દિવસ અગાઉ મને નવકારના પ્રભાવે એવી અંતઃ સ્ફુરણા થઇ કે – ‘હે જીવ! જો ખરેખર તને એમ સમજાય છે કે ભાઇ-ભાભીનો કાંઇ જ વાંક નથી. મારા જ કર્મોનો વાંક છે. તો પછી ભાઇ-ભાભી સાથે અબોલા તથા કોર્ટ કજિયા શા માટે જોઇએ? નાહક દુનિયાને તમાસો જોવા મળે, સમય અને સંપત્તિની બરબાદી થાય તથા ભવો ભવ વેરની પરંપરા ચાલે, એ શું ઇચ્છવા યોગ્ય છે? માટે હે જીવ! ગમે તે થાય પણ તું સામે ચાલીને તારા નાના ભાઇ-ભાભીને ખમાવી લે. તારા હૃદયના શુદ્ધ પશ્ચાત્તાપની જરૂર એમના પર અસર થશે જ અને પંચ પરમેષ્ઠી ભગવંતોની કૃપાના અચિંત્ય પ્રભાવે ‘સહુ સારા વાના થશે.’ અને મારી આ ભાવના મારી ધર્મપત્નીને જણાવતાં પ્રત્યુત્તર મળ્યો કે ‘મને પણ છેલ્લા કેટલાક દિવસથી આવા જ વિચારો આવતા હતા. પરંતુ તમને આવી વાત ગમશે કે કેમ એવી શંકા થતી હતી. તેથી તમને જણાવી શકી નથી. પરંતુ આજે તમારા મુખેથી આવી વાત સાંભળીને
696969 76 69696963
CICICICI-69
