________________
માટે સુખ શાંતિ તેમજ પ્રસન્નતા કે આનંદના અભિલાષી દરેક આત્માઓએ આ ચાર ભાવનાઓને પોતાના જીવનમાં અચૂક આત્મસાત્ કરવી જ જોઈએ.
આ ચારમાં પણ મુખ્ય પ્રથમ મૈત્રીભાવના છે. મૈત્રી ભાવનામાંથી જ આપો આપપ્રમોદ, કરુણાતથા માધ્યચ્ય ભાવના ફલિત થતી હોય છે.
એક સાચો મિત્ર પોતાના મિત્રનું હિત ઇચ્છે છે, તેના સુખને જોઈને કે પ્રશંસા સાંભળીને પ્રસન્નતા અનુભવે છે.મિત્રના દુઃખને પોતાનું દુઃખ માનીને તેને દૂર કરવા પોતાનાથી બનતા તમામ પ્રયત્નો કરે છે તથા મિત્રના દોષોનો ઢંઢેરો પીટતો નથી તેમજ તેનો તિરસ્કાર કરતો નથી પરંતુ માધ્યચ્ચ ભાવને ધારણ કરે છે.
તેવીજ રીતે જો વિશ્વના જીવમાત્ર પ્રત્યે સાચો મૈત્રીભાવ આત્મસાત્ થાય તો તેમના પ્રત્યે પ્રમોદ, કરુણા, તેમજ માધ્યચ્ય ભાવ પણ યથાયોગ્ય રીતે આપોઆપ પ્રગટે છે.
માટે આ ચાર ભાવનાઓમાં પ્રથમ મૈત્રીભાવના વિષે આપણે સવિસ્તર વિચારણા કરીશું
શ્રી હરિભદ્રસૂરિજીએ સાધુતાનું લક્ષણ બતાવતાં કહ્યું છે કે “સાધુત્વ કિં નામ? સર્વ જીવ સ્નેહ પરિણામ” અર્થાત્ સર્વ જીવો સાથે સ્નેહ પરિણામ એ જ સાચી સાધુતા છે. આવી ભાવ સાધુતા આપણા જીવનમાં પ્રગટે તે માટે વિશેષ વિચારણા બીજા પત્રમાં કરીશું આજે બસ આટલું જ
ૐ શાંતિઃ ૐ શાંતિઃ ૐ શાંતિઃ
oceasesse
