Saral Sanskrit Aadi Rachnao

Author(s): Mahodaysagarsuri
Publisher: K V O Jain Sangh

Page 32

ણણ કારની માફક મૂર્ધન્ય સ્થાને (ગચ્છાધિપતિ આચાર્ય) પદે સ્થિત હોવા છતાં નખ-શીખ નમ્રતાથી ભરેલા એવાહે નિરભિમાની! માનમર્દકા મદમુક્તા પૂજ્ય ગુરૂદેવ!નિગુર્થી હોવા છતાં પણ અણુ અણુમાં અહંભાવથી ભરેલા, અભિમાનથી અકડ એવા અમો આપના અંતરમાં રહેલા અતિશુભ અધ્યવસાયોની કલ્પના પણ ક્યાંથી કરી શકીએ? રારિ વિનાના સંસાર સાગરના સામે પાર પામીને, સાચા શાશ્વત સુખના સ્થાન રૂપ શિવનગરીમાં પહોંચાડનાર સંયમ રૂપી સ્ટીમરના સાચા સફળ-કુશળ સુકાની એવા હે સંસાર તારકી સંયમદાતા! પૂજ્ય ગુરૂદેવ..! આપશ્રીના વરદ હસ્તે દીક્ષિત બનેલા તેમજ આપના આજ્ઞાવર્તી સાર્ધશતાધિક (૧૫૦થી વધારે) શ્રમણ-શ્રમણીઓ આપશ્રીના સૂરિપદના રજત જયંતિના આ આનંદપ્રદ અવસરે આપશ્રીને અનંત અનંત વંદના કરવા દ્વારા કૃતજ્ઞતાને વ્યક્ત કરી કૃતકૃત્યતાનો અનુભવ કરી રહ્યા છે અને આપશ્રીના દીર્ધાયુષ માટે શાસનદેવને પ્રાર્થના કરી રહ્યા છે...! ગચ્છ એ સંપૂર્ણ જિનશાસન ભલે નથી પરંતુ તે જિનશાસનરૂપી શરીરનું એક કિંમતી અવયવ જરૂર છે. તેથી ગચ્છ રૂપી અવયવની રક્ષા-ઉન્નતિમાં જિનશાસનની રક્ષા-ઉન્નતિ સમાયેલી છે ઇત્યાદિ પ્રરૂપણા દ્વારા, પૂર્વાચાર્ય પ્રણીત ગચ્છોની પ્રાચીન પ્રણાલિકા તરફ તિરસ્કારની દ્રષ્ટિથી જોનારા બુદ્ધિજીવીઓના અંતરમાં ગચ્છ વ્યવસ્થાના રહસ્યને જડબેસલાક બેસાડી દેનારા એવા હે શુદ્ધપ્રરૂપક ! નીડર વક્તા ! સુવિહિતસામાચારી સંરક્ષક ! પૂજ્ય ગુરૂદેવ! .. વાતવાતમાં બેધડકરીતે ઉસૂત્ર પ્રરૂપણા કરવામાં ગૌરવ માનનારા, કહેવાતા ક્રાંતિવાદી સુધારકો આપની શાસ્ત્રચુસ્તતાનાં મર્મને સમજે તો કેવું સારું !.. ૨મા અને રામાનાં રંગરાગમાં રઘવાયા બનીને રગદોળાતા સંસારી જીવોની રીબામણને જોઇને અત્યંત કરૂણાÁ હદયથી તેમને અનંત, અવ્યાબાધ સુખમય અજરામરપદ પામવાનો રાહ ચીંધતા એવા હેકરૂણસાગર! કૃપાનિધિ! પૂજ્ય ગુરૂદેવ!..આપની કૃપાથી અમારા આત્મામાં શીધ્રાતિશીઘ મોક્ષમાર્ગાનુસારીતા પ્રગટ થાઓ!. હરિમંત્રનાં સાતત્યપૂર્વક સક્રિય જાપથી સાંપડેલી શક્તિઓનો સદુપયોગ કરીને શાસન પ્રભાવના કરવા માટે સદેવ સજાગ એવા હે પરમ શાસન પ્રભાવક ! સૂરિશ્રેષ્ઠ પૂજ્ય ગુરૂદેવ ! સકલમંત્ર શિરોમણિ તારક શ્રી નમસ્કાર મંત્રની આરાધના દ્વારા પણ સંસારવર્ધક અર્થ પ્રાપ્તિની અપેક્ષા રાખનારા ભવાભિનંદી જીવો આપની નિઃસ્પૃહતાને ક્યાંથી પીછાની શકે? Rશ અને રાગની ભીષણ આગથી જેમનાં જીવનબાગમાં ખીલેલા ગુણોરૂપી પુષ્પો કદી સ્પર્ધાયેલા નથી એવા હે કષાયવિજેતા ! પૂજ્ય ગુરૂદેવ ! કષાયોના દાવાનળમાં ભડકે બળતા અમારા જીવનરૂપી વૃક્ષને આપની કૃપાદ્રટિરૂપી પુષ્પરાવર્ત મેઘની વૃષ્ટિથી નવપલ્લવિત બનાવો.
સનતંત્રનાં સ્નાયુઓની માફક શાસન સંઘની સેવા માટે રાત-દિવસ કાર્યશીલ અને દીક્ષાપ્રતિકા-અંજનશલાકા-અધિવેશન-ઉજમણા-છ રી પાળતા સંઘ આદિ અનેક ધર્મ મહોત્સવો અને ધાર્મિક પ્રસંગોમાં સફળ નેતૃત્વ પૂરું પાડનાર એવા હે ધર્મપ્રભાવક! ધર્મધુરંધર ! પૂજ્ય ગુરૂદેવ ! સર્વ ગચ્છોના સંગઠન દ્વારા જિનશાસનની એકવાક્યતા - એકસૂત્રતા થતી હોય તો પોતાના આચાર્ય પદનો ત્યાગ કરવાની ઉદાત્ત ઉદ્ઘોષણા કરનારા એવા આપનાં અંતરમાં ઉછાળા મારતી શાસન ભક્તિને જોઇને અમારું મસ્તક આપના પ્રત્યે અહોભાવથી ઝૂકી જાય છે.
22