________________
૧૭૬ ]
નાસ્તિક-મતવાદનું નિરસન. અન્ય કોઈ પણ નથી, એ વાતને લેશ પણ આંચ આવતી નથી. સ્થાપના દ્વારા આરાધનાનું મહાલ:
જેઓ “મૂર્તિ ઉપર મનથી સ્થાપનાબુદ્ધિ જ ધરાવતા નથી, તેઓને તેના ઉપર આદર કે અનાદર–એમાંથી એક પણ ન થાય, તેનું કારણ તેઓની બુદ્ધિ છે. સો રૂપિઆની નેટમાં સો રૂપિઆની કલ્પના જ જેને નથી, તેને તેનું સંરક્ષણ કરવાની બુદ્ધિ ન થાય, એમાં વાંક સો રૂપિઆની નોટો નથી તેમ દેવાધિદેવ પરમાત્મા શ્રીમાન મહાવીરદેવની મૂર્તિ ઉપર પણ જેને ભક્તિ ન થાય, તેમાં તે પરમ કૃપાળુ પરમાત્માની મૂર્તિને લેશ પણ દેષ નથી. કોઈ આત્મા કઈ એક સ્થળે સ્થાપના માનવા જ ઈચ્છતો નથી, તે તે સ્થળે ભલે તે સ્થાપનાને ન માને, પરન્તુ તેથી સ્થાપનાને સમસ્ત વ્યવહાર સર્વ જગ્યાએ નાશ પામે છે, એમ માનવું એ નિતાન્ત મૂર્ખતા છે. શ્રી ઉત્તરાધ્યયન સૂત્ર તથા શ્રી ભગવતીજી આદિ મહાશાસ્ત્રોમાં શ્રી તીર્થંકર-ગણધરાદિ મહાપુરૂષોનાં નામ અને ગોત્રને સાંભળવાથી પણ મહાફલ બતાવેલું છે, તેમ તેઓની સ્થાપનાની ભક્તિ અને આરાધનાનાં પણ મહાફલ દર્શાવેલાં છે. શ્રી અરિહંત પરમાત્માઓના નામસ્મરણથી સમ્યગદર્શનાદિની વિશુદ્ધિ થાય છે, તેમ શ્રી અરિહંત પરમાત્માઓનાં બિબોની પૂજા અને ભક્તિથી પણ રત્નત્રયીની શુદ્ધિ આદિ થાય છે તથા જન્માક્તરમાં બોધિના લાભની પ્રાપ્તિ થાય છે. શ્રી જિનેશ્વરદેવનાં સ્તવન અને સ્તુતિ કરવાથી તથા તેઓશ્રીની મૂર્તિઓની ભક્તિ, અર્ચના, સત્કાર, સન્માન આદિ કરવાથી આત્મા જ્ઞાન, દર્શન, ચારિત્ર અને ધિલાભને પ્રાપ્ત કરી અનુક્રમે વિમાનવાસ તથા મુક્તિવાસ આદિ ઉત્તમ પદવીઓને પ્રાપ્ત
