Nammayasundari Kaha

Author(s): Mahendrasuri, Pratibha Trivedi
Publisher: Singhi Jain Shastra Shiksha Pith Mumbai

Page 80

नम्मयासुंदरीकहा।
६७ एवं सत्थीभूयहियया जाव कवलगहणं काउमारद्धा, एत्थंतरे सो वि सावओ उजाणे पविसंति[मा]लोइऊण कयदिसालोओ दारंतरेण समागओ नागघरासन्नं । 'गीयत्थो' त्ति काऊण भणिया- 'इओ निसीही।' नम्मयासुंदरी निसीहीसहसवणाओ सूरावलोयणरहंगी व मरिउं च जीविया हरिसभरनिब्भरा संवुत्ता । तओ- 'सागयं निसीहियाए, वीसमह ताव महासावग! इह सिणि?-5 तरुच्छायाए जावाहमप्पाणं संठवेमि। ताहे अणवसरो ति नाउं निसन्नो तहाविहसिणिद्धतरुणवल्लीए । नम्मया वि तुरियं तुरियं कयकइवयकवलाहारा कालोचियविहियसरीरसंठवणा- 'एहि एहि ति भणंती निग्गया संमुही । मन्नुभरनिरुद्धकंठा निवाडिया य तस्स चलणेसु रोविच पवत्ता। सावगेणावि महुरवयणेहिं आसासिऊण भणिया- 'महाणुभावे ! किं तं रोइसि ? त्ति । 10 नम्मयाए रुयमाणीए चेव सिटुं- 'बहुकालाओ धम्मबंधवो तुमं दिट्ठो, ने य लोयावंरा(यविंदा?)ओ बीह[ माणीए ?] मए वयणमित्तेणावि तुह विणयपडिवत्ती कया ।' सावगेण वुत्तं- 'मुद्धे! मा एयनिमित्तं खेयमुबहसि । कयं चेव सवं तुमए एरिससाहम्मियपक्खवायमुवहंतीए, साहिओ तए नियभावो गूढक्खराए वाणीए । मए वि लक्खिओ चेव कहमन्नहा इत्थागओ ? 15 त्ति । ता होसु सुविसत्था । सुणाहि मम वत्तं- अहं भरुयच्छनिवासी जिणदेवो नाम वीरजिणसासणाणुरत्तचित्तो" मित्तो वीरदासस्स । सो वि इत्थ आगंतुकामेणेमेहिं घयभरियसगडेहिं संपत्तो पोयठाणं । दिट्ठो य मए तत्थ थिरधरियजाणवत्तो अंसुजलोल्लियकवोलो" वीरदासो । पुच्छिओ य मए - 'कओ भवं? किं च सोयाउरो लक्खियसि?। निवेइयं च तेण- 'मए बब्बरकूलगएण 20 हारिया नम्मयासुंदरी । गविट्ठा सा बाहिरब्भंतरे नयरे बहूणि दिणाणि । न से पउत्तिमेत्तं पि उवलद्धं, न अम्हेसु चिटुंतेसु सा पायडा होइ त्ति कलिऊण समागया वयं । एयं मे उव्वेयकारणं, गेहं गंतूण पुणो वि भायसहिऐण सिग्धं तत्थ गंतवं । तुमं पुण कत्थ पत्थिओ सि ?' मए भणियं- 'अहं पि तत्थ दीवे गमिस्सं ।' 'जइ एवं गच्छिहिसि" तुमं तत्थ [न]म्मयं तं अत्थेण सामत्थेण 25 सबस्सेण वा मोयाविजासि ।' मए भणियं-'जा तुह भायधूया सा किं मम धूया न होइ ? अच्छह तुब्भे वीसत्था जाव ममागमणं ।' अहं पुण 'तं दिट्ठममोइयं मोत्तूण न पडिनियत्तामि' त्ति कयपइन्नो चलिओ [प. २५ A] म्हि ।
१ पविसंती'. २ रासन्न. ३ 'रहगी. ४ संदुत्ता. ५ मिणिद्ध. ६ मंठवेमि. ७ तरुग'. ८ रोविओ. ९ ने. १० वोतं. ११ सुद्धे. १२ मोव्धहं. १३ °मावे. ५४ वि. १५ °चित्ते. १६ °भरीय. १७ हिट्ठो. १८ °कंवोलो. १९ सोयाओरो. २० बवर. २१ वच्छिहिसि.