Nammayasundari Kaha

Author(s): Mahendrasuri, Pratibha Trivedi
Publisher: Singhi Jain Shastra Shiksha Pith Mumbai

Page 105

सुहत्थिसूरिकया धम्मदेसणा। [१०४५-१०५८ ] जाओ नयराणंदो पए पए मन्नए जणसमूहो । नूणं इमम्मि नयरे कल्लाणमुवट्ठियं किं पि॥ १०४५ जं एसो सुरमहिओ संपइरायस्स वल्लहो भयवं । संपत्तो अञ्ज इहं जणकइरवसंडनिसिनाहो ॥ १०४६ रायाइ नमोसो नियपयउचिएणे सयलविहवेण । अभिवंदिउं मुणिंदं निक्खंतो झ ति नयराओ॥ १०४७ अभिवंदिऊण विहिणा मुणिनाह साहेसत्थपरियरियं । उवविट्ठो सयलजणो नियनियउचिएसु ठाणेसु ॥ १०४८ पारद्धा धम्मकहा नवजलहरगहिरमहुरसद्देण ।। सवेसि सत्ताणं अणुग्गहत्थं अइमहत्था ॥
१०४९ 'माणुस्स कम्मभूमी आरियदेसो कुलम्मि उप्पत्ती । रूवं बलमारोगं(ग्गं) सुदीहरं आउयं बुद्धी ॥ १०५० सुहगुरुजोगो बोही सङ्घा चारित्तधम्मपडिवत्ती। दुक्खेण जए लब्भइ एसा कल्लाणरिंछोली ॥ १०५१ एगिंदिया अणंता मरिउं मरिउं पुणो वि तत्थेव । उववजंति वराया कालमणंतं सकम्मेहिं ॥ १०५२ उच्चट्टिऊण विरला बियतियचउरिदिएसु गच्छंति । तत्थ य पुणो पुणो वि य मरंति जायंति बहुकालं ॥ १०५३ पंचिंदिया वि होउं जलथलयरखयरविविहजोणीसु । चिटुंति चिरं कालं जंति पुणो पुरिसजोणीसु ॥ १०५४ विरला केइ नरत्तं लहंति तत्थ वि अणारिया बहवे । तत्तो वि हु विरलाणं आरियदेसे हवइ जम्मो ॥ १०५५ आरियदेसे वि ठिओ धीवरचंडाललुद्धयाईसु । कुच्छियकुलेसु जाया नाम न मुणंति धम्मस्स ॥ १०५६ उत्तमकुलेसु जाया काला कुंटा य पंगुला अंधा। जीवा अणिहरूवा दिक्खं न लहंति जिणभणियं ॥ १०५७ तवसंजमबलवियला धम्मं न कुणंति रूवकलिया वि ।
बलवंताण वि रोगाउराण धम्मे कओ सत्ती ?॥ १०५८ १ दलहो. २ ओविएण. ३ भयलविहतेण. ४ नाहो. ५ माहु. ६ °दोसा. ७ बोहा. ८ सुधा. ९ एगंदिया. १० उवहिऊण. ११ विय. १२ पंचंदिया. १३ चीवर'. १४ पुंगुला.
15