Jambudwip Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 394

षष्ठ वक्षस्कार - जम्बूद्वीप के खण्ड आदि
३७७
गोयमा! तओ तित्था पण्णत्ता, तंजहा-मागहे वरदामे पभासे, जंबुद्दीवे० एरवए वासे कइ तित्था पण्णत्ता? ।
गोयमा! तओ तित्था पण्णत्ता, तंजहा-मागहे वरदामे पभासे।
जंबुद्दीवे णं भंते! दीवे महाविदेहे वासे एगमेगे चक्कवट्टिविजए कइ तित्था पण्णत्ता? । गोयमा! तओ तित्था पण्णत्ता, तंजहा-मागहे वरदामे पभासे, एवामेव सपुव्वावरेणं जंबुद्दीवे २ एगे बिउत्तरे तित्थसए भवंतीतिमक्खायं।
जंबुद्दीवे णं भंते! दीवे के वइयाओ विजाहरसेढीओ केवइयाओ आभिओगसेढीओ पण्णत्ता?
गोयमा! जंबुद्दीवे दीवे अट्ठसठ्ठी विजाहरसेढीओ अट्ठसठ्ठी आभिओगसेढीओ पण्णत्ताओ, एवामेव सपुव्वावरेणं जंबुद्दीवे दीवे छत्तीसे सेढीसए भवंतीतिमक्खाय।
जंबुद्दीवे णं भंते! दीवे केवइया चक्कवट्टिविजया केवइयाओ रायहाणीओ केवइयाओ तिमिसगुहाओ केवइयाओ खंडप्पवायगुहाओ केवइया कयमालया देवा केवइया णहमालया देवा केवइया उसभकूडा० पण्णता? ___ गोयमा! जंबुद्दीवे दीवे चोत्तीसं चक्कवट्टि विजया चोत्तीसं रायहाणीओ चोत्तीसं तिमिसगुहाओ चोतीसं खंडप्पवायगुहाओ चोतीसं कयमालया देवा चोतीसं णमालया देवा चोतीस उसभकुडा पव्वया पण्णत्ता।
जंबुद्दीवे णं भंते! दीवे केवइया महदहा पण्णता?
गोयमा! सोलस महद्दहा पण्णत्ता, जंबुद्दीवे णं भंते! दीवे केवइयाओ महाणईओवासहरपवहाओ केवइयाओ महाणईओ कुंडप्पवहाओ पण्णत्ताओ?
गोयमा! जंबुद्दीवे २ चोद्दस महाणईओ वासहरपवहाओ छावत्तरं महाणईओ कुंडप्पवहाओ एवामेव सपुव्वावरेणं जंबुद्दीवे दीवे णउई महाणईओ भवंतीतिमक्खायं।
जंबुद्दीवे.... भरहेवएसु वासेसु कइ महाणईओ पण्णता?