Jambudwip Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 469

४५२
जम्बूद्वीप प्रज्ञप्ति सूत्र
गोयमा! चत्तारि०, तंजहा-धणिट्ठा सयभिसया पुव्वाभद्दवया उत्तराभद्दवया।
धणिट्ठा णं चउद्दस अहोरत्ते णेइ, सयभिसया सत्त अहोरत्ते णेड़, पुव्वाभद्दवया अट्ठ अहोरत्ते णेइ, उत्तराभद्दवया एगं अहोरत्तं णेइ तंसि च णं मासंसि अटुंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिवसे दो पया अट्ठ य अंगुला पोरिसी भवइ।
वासाण णं भंते! तइयं मासं कइ णक्खत्ता ऐति?
गोयमा! तिण्णि णक्खत्ता वंति, तंजहा-उत्तरभद्दवया रेवई अस्सिणी, उत्तरभद्दवया चउद्दस राइंदिए णेइ, रेवई पण्णरस० अस्सिणी एगं०, तंसि च णं मासंसि दुवालसंगुलपोरिसीए छायाए सूरिएं अणुपरियट्टइ, तस्स णं मासस्स चरिमे दिवसे लेहट्ठाई तिण्णि पयाई पोरिसी भवइ।
वासाणं भंते! चउत्थं मासं कइ णक्खत्ता णेति? . ..
गोयमा! तिण्णि०, तंजहा-अस्सिणी भरणी कत्तिया, अस्सिणी चउद्दस० भरणी पण्णरस० कत्तिया एग०, तंसि च णं मासंसि सोलसंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिवसे तिण्णि पंयाइं चत्तारि अंगुलाई पोरिसी भवइ। ---
हेमंताणं भंते! पढमं मासं कइ णक्खत्ता णेति? ...
गोयमा! तिण्णि०, तंजहा-कत्तिया रोहिणी मिगसिरं, कत्तिया चउद्दस० रोहिणी पण्णरस० मिगसिरं एगं अहोरत्तं णेइ, तंसि च णं मासंसि वीसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि तिण्णि पयाइं अट्ठ य अंगुलाई पोरिसी भवइ।
हेमंताणं भंते! दोच्चं मासं कइ णक्खत्ता णेति?
गोयमा! चत्तारि णक्खत्ता ऐति, तंजहा-मिगसिरं अद्धा पुणव्वसू पुस्सो, मिगसिरं चउद्दस राइंदियाइं णेइ, अद्दा अट्ठ० णेइ, पुणव्वसू सत्त राइंदियाइं० पुस्सो एगं राइंदियं णेइ, तया णं चउव्वीसंगुलपोरिसीए छायाए सूरिए अणुपरियट्टइ,