Jambudwip Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 462

सप्तम् वक्षस्कार - कुल, उपकुल, कुलोपकुल, अमावस्या, पूर्णिमा
४४५
गोयमा! तिण्णि णक्खत्ता जोगं जोएंति, तंजहा-अभिई सवणो धणिहा। पोट्टवइण्णं भंते! पुण्णिमं कइ णक्खत्ता जोगं जोएंति?
गोयमा! तिण्णि णक्खत्ता० जोएंति, तंजहा-सयभिसया पुत्वभद्दवया उत्तरभद्दवया।
अस्सोइण्णं भंते! पुण्णिमं कई णक्खत्ता जोगं जोएंति? गोयमा! दो....जोएंति, तंजहा-रेवई अस्सिणी य, कत्तिइण्णं दो-भरणी कत्तिया य, मग्गसिरिण्णं दो-रोहिणी मग्गसिरं च, पोसिं णं तिण्णि-अद्दा पुणव्वसू पुस्सो, माघिण्णं दो-अस्सेसा मघा य, फग्गुणिं णं दो-पुव्वाफग्गुणी य उत्तराफग्गुणी य, चेत्तिण्णं दो-हत्थो चित्ता य, विसाहिण्णं दो-साई विसाहा य, जेट्ठामूलिण्णं तिण्णि-अणुराहा जेट्टा मूलो, आसाढिण्णं दो-पुव्वासाढा उत्तरासाढा।
साविट्टिण्णं भंते! पुण्णिमं किं कुलं जोएइ उवकुलं जोएइ कुलोवकुलं जोएइ? ___ गोयमा! कुलं वा जोएइ उवकुलं वा जोएइ कुलोवकुलं वा जोएइ, कुलं जोएमाणे धणिट्ठा णक्खत्ते जोएइ उवकुलं जोएमाणे सवणे णक्खत्ते जोएइ कुलोवकुलं जोएमाणे अभिई णक्खत्ते जोएइ, साविट्टिण्णं पुण्णिमासिं कुलं वा जोएइ जाव कुलोवकुलं वा जोएइ, कुलेण वा जुत्ता उवकुलेण वा जुत्ता कुलोवकुलेण वा जुत्ता साविट्ठी पुण्णिमा जुत्तत्ति वत्तव्वं सिया।
पोट्ठवइण्णं भंते! पुण्णिमं किं कुलं जोएइ ३ पुच्छा?
गोयमा! कुलं वा० उवकुलं वा० कुलोवकुलं वा जोएइ, कुलं जोएमाणे उत्तरभद्दवया णक्खत्ते जोएइ उवकुलं जोएमाणे पुव्वभद्दवया० कुलोवकुलं जोएमाणे सयभिसया णक्खत्ते जोइए, पोट्ठवइण्णं पुण्णिमं कुलं वा जोएइ जाव कुलोवकुलं वा जोएइ कुलेणं वा जुत्ता जाव कुलोवकुलेण वा जुत्ता पोट्ठवई पुण्णमासी जुत्तत्ति वत्तव्वं सिया।
अस्सोइण्णं भंते! पुच्छा?