Jambudwip Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 463

४४६
४४६..............जम्बूद्वीप प्रज्ञप्ति सूत्र __ गोयमा! कुलं वा जोएइ उवकुलं वा जोएइ णो लन्भइ कुलोवकुलं कुलं जोएमाणे अस्सिणीणक्खत्ते जोएइ उवकुलं जोएमाणे रेवइणक्खत्ते जोएइ, अस्सोइण्णं पुण्णिमं कुलं वा जोएइ उवकुलं वा जोएइ कुलेण वा जुत्ता उवकुलेण वा जुत्ता अस्सोई पुण्णिमा जुत्तत्ति वत्तव्वं सिया।
कत्तिइण्णं भंते! पुण्णिमं किं कुलं....पुच्छा?
गोयमा! कुलं वा जोएइ उवकुलं वा जोएइ णो कुलोवकुलं जोएइ, कुलं जोएमाणे कत्तियाणक्खत्ते जोएइ उव० भरणी०, कत्तिइण्णं जाव वत्तव्वं०। ___ मग्गसिरिण्णं भंते! पुण्णिमं किं कुलं तं चेव दो जोएइ णो भवइ कुलोवकुलं कुलं जोएमाणे मग्गसिरणक्खत्ते जोएइ उ० रोहिणी०, मग्गसिरिणं पुण्णिमं जाव वत्तव्वं सिया इति। एवं सेसियाओऽवि जाव आसाढिं, पोसिं जेट्ठामूलिं च कुलं वा उवकुलं वा, कुलोवकुलं वा, सेसियाणं कुलं वा उवकुलं वा कुलोवकुलं ण भण्णइ।
साविट्ठिण्णं भंते! अमावासं कइ णक्खत्ता जोएंति? . गोयमा! दो णक्खत्ता जोएंति, तंजहा-अस्सेसा य महा य। पोट्ठवइण्णं भंते! अमावासं कइ णक्खत्ता जोएंति? . गोयमा! दो...पुव्वाफग्गुणी उत्तराफग्गुणी य।
अस्सोइण्णं भंते!....दो-हत्थे चित्ता य, कत्तिइण्णं दो-साई विसाहा य, मग्गसिरिण्णं तिण्णि-अणुराहा जेट्ठा मूलो य, पोसिण्णं दो-पुव्वासाढा, उत्तरासाढा, माहिण्णं तिण्णि-अभिई, सवणो धणिट्ठा, फग्गुणिं णं तिण्णिसयभिसया पुव्वभद्दवया उत्तरभद्दवया, चेत्तिण्णं दो-रेवई अस्सिणी य, वइसाहिण्णं दो-भरणी कत्तिया य, जेट्टामूलिण्णं दो-रोहिणी मग्गसिरं च, आसाढिण्णं तिण्णि-अद्दा पुणव्वसू पुस्सो इति।
साविट्ठिण्णं भंते! अमावासं किं कुलं जोएइ उवकुलं जोएइ कुलोवकुलं जोएइ?