Jambudwip Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 438

सप्तम् वक्षस्कार - नक्षत्र-मंडल आदि
, ४२१
णक्खत्तमंडले णं भंते! केवइयं आयामविक्खम्भेणं केवइयं परिक्खेवेणं केवइयं बाहल्लेणं पण्णत्ते?
गोयमा! गाउयं आयामविक्खम्भेणं तं तिगुणं सविसेसं परिक्खेवेणं अद्धगाउयं बाहल्लेणं पण्णत्ते।
जम्बुद्दीवे णं भंते! दीवे मंदरस्स पव्वयस्स केवइयाए अबाहाए सव्वब्भंतरे णक्खत्तमंडले पण्णत्ते?
गोयमा! चोयालीसं जोयणसहस्साइं अट्ठ य वीसे जोयणसए अबाहाए सव्वन्भंतरे णक्खत्तमंडले पण्णत्ते।
जम्बुद्दीवे णं भंते! दीवे मंदस्स्स पव्वयस्स केवइयाए अबाहाए सव्वबाहिरए णक्खत्तमंडले पण्णत्ते?
गोयमा! पणयालीसं जोयणसहस्साई तिण्णि य तीसे जोयणसए अबाहाए सव्वबाहिरए णक्खत्तमंडले पण्णत्ते।
सव्वन्भंतरे णं भंते! णक्खत्तमंडले केवइयं आयामविक्खंभेणं केवइयं परिक्खेवेणं पण्णत्ते?
गोयमा! णवणउइं जोयणसहस्साई छच्चचत्ताले जोयणसए आयामविक्खंभेणं तिण्णि य जोयणसयसहस्साइं पण्णरस जोयणसहस्साई एगूणणवई च जोयणाई किंचिविसेसाहिए परिक्खेवेणं पण्णत्ते।
सव्वबाहिरए णं भंते! णक्खत्तमंडले केवइयं आयामविक्खंभेणं केवइयं परिक्खेवेणं पण्णते? ___ गोयमा! एगं जोयणसयसहस्सं छच्च सट्टे जोयणसए आयामविक्खंभेणं तिण्णि य जोयणसयसहस्साइं अट्ठारस य जोयणसहस्साई तिण्णि य पण्णरसुत्तरे जोयणसए परिक्खेवेणं पण्णत्ते।
जया णं भंते! णक्खत्ते सव्वब्भंतरमंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ?